A R A I K E D I A K A

O N A C E K O N

Nu Elemunitai Kane jai Matayo 18:15-17

F. Wayne Mac Leod

Light To My Path Book Distribution

Apedorosio kere eyuwaritai. Emamei adis atutubet naka eitabo kalo na ebeit aitolomun komam

ekewadikan ecamakinit kotoma aiwadikaata.

Ikokoron kere dimikito arai ketijenitai, elemunitai ko New International Version no ebaibuli

jai Zondervan Bible Publishers, Apedorosio kere eyuwaritai.)

Amalan na epolo ne jasi ekasiomak nu opotu kitogogongoto LilianMac Neil, Daine Mac Leod korai

komamet, ti etiono asiom. Ikoto da aisukunyikin amalan mama ejai ejakait Okiror Moses kanu

agagnat ke na aijul eitabo lo toma angajep naka Ateso kacut ecokon Ochuli Israel kanu akecobeu na

aireroor nuiwadikatai kaitogongor angetakinio naka aswam kana, kidari ejakait Yesu kere, Amen.

AINAPETA NU

KO’NGAREN

Abu eong kabongok esimu kapup eporoto lo mam itet kosiep kaje. Karai

idiopet ko nacan lu ko kanisa lo esilip eong. Kasubit ekeporoto bala

kamaran. “Ekot jo abunore katipet,” Kabala nges. “Kanu inyio, inyobo

ationis?” Engisit eong. “Kalimokin eong ijo kidolu jo ne,” ebongokin nges.

Abu eong kenyiek nu eswamai kalosi oreke. Kapedor na arautu apejo na

wasia kokanisa. Abongun eong ka akaberu ore akaulo na apak na ikaru

iyarei ka kwap. Kekapanikinos angor epucit noka wasia kanu aisialamikin

akaber kanu aijanakin ka kes.

Kadol eong, abu eong kemala inac kalimokin nges eong aiboikin. “Inyobo

ationis?” abu eong kengit. “Mutan ka mutan,” abongokinet [kolimokini

eong ekekiror].”Anyarau nges anacan ace nuko kanisa kaje ajaun opucit

nokitemonik isio aijaun akoniberu. Mam nges kabu kingisite eong, abu nges

konyarau kes anyaraun toma. Irai ijo ecokon, akot eong ijo ainer kanges

kakirot kangin. Kolimok nges ebe kibusakinit ber nges alimokin eong,

koporoto kalo ededeng noi.

“Kobu jo kineritor kanges ijo alopet?” Engisit eong. “Mam,” ebongokini,

“Mam epedor apupokin eong.” “Epone ani ijenuna ijo karai mam itamakit,”

Engisit eong. “Arai kalot eong togo ke epedori ainom eong,” abongokin

nges. “Kanuinyio mam ijo inomakina nges esimu?” “Apedor eong

ainomakin nges karai ilot ijo aipup kosimu kaje,” abongokin nges.

Atupit nu kanu apak kana, abu eong kabongok. “Ebala akirot ka Edeke ebe

karai ejai oni akirot ka etunganan ibusakinit oni alosit ne jai itunganan ngin

oni ikulepek. Eyuunit eong ebe karai ikoto oni arerengusio ka Edeke

kotoma akiro kanu, ekoto oni aswam iboro opone no ekotor Edeke. Mam

eong alosi aswam idis ibore kere itoni ne iswama jo opone lo ekotor Edeke.

Kinerata ijo kanges alopet.”

“Eebo,” kotema nges kolosi alemun esimu kotogo ke. Kotoma apak Na edit,

kopotu ka aiyalam kakonyen ke. “Kineras nat Edeke ka nges [olimun

ekekiror] nu ikamunitos ngun nuiswamat nges.Kobu kitoronikin ne ajai

eong kiswamat iboro kere.” Nepepe ketopoloret Edeke kanu arerengusio nu

epolok.

Na enyekina eong eketogo kaparan kangin, abu do ber eong kaumok nu ti

ejaunos karai kacamunite eong nu kabala aberu ngin. Oomom ber ijo kobu

ekanisa kotupak akiro nu. Ti akiro kerokiaros.Etiakatiakas ikanisan kanu

akiro nu epataka kwanu.

Mam oni kipedori ainac atiokiso kidding na ikeyuunak kokanisan wok

adepar ngun nu iriamunos ka oni ka iduwekokalia wok. Mam ducu oni

kicamanar epone lo ibusakinitor aswam iboro. Kimina ducu oni aswam

kanyunyura ka epoget. Ejautene epedor airiamakin. Epedoret itunga

aitipipilikin. Ileleba awanyuneta nu iwadikatai lu ka eceleta kidding

eyuunak.

Kajen ejakait Edeke ebe epedoret nu ajaun kibwaikin nu kere aiwadikaeta.

Nu kipeleikinit oni kane erai aisisianakin ke Yesu kotoma Matayo 18:15-

17. Kotoma okokoron nu, kitodikinit oni Yesu epone lo ebeitor ayaitor

akiro karai kidoikis.

Kiyinakinit oni Matayo 18 aningosit epone lo ebeitor aitemonokina akiro

kotoma kodicane wok. Einakit na epone loka jokan mama ejaas ngun nu

edolokitos aiteteunio ido isinyikokitos eyuunak lukokiding ayait epolok

inacan ka anacan kotoma apak naka anonoku kes. .

Kipalu oni ikokoron nu kanu ileic ka apipilu na kalu ipu kanuka akuwan ka

Kristo. Kotoma osulai luikidioko koingaren, ilosi oni aanyun aisisianakin ke

Yesu ka ne ibusakinitor aitosom kodicane wok kokanisa lolo. Akailipasit

kopedo Ejakait aitosom aisisia na aingarakina iketunga apedor ainingosio

nu eponikinito. Kitojok Ejakait Edeke ainyakakin ka aitangaleun epaperone

kotoma Kristo kotoma aisisia naka ainapakin.

F. Wayne Mac Leod

1 - ARAI KEDIAKA

ONACEKON

“Arai ediaka onacekon” (Matayo 18:15, NIV)

igeari oni asioman naka Matayo 18:15-17 ijenuni ijo ebe inera

Ejakait Yesu nukamunitos “Onac.” Erasi ikokoron nu luka

eyuunak.Aijen cut ebe ejaunos atiokisio toma eyuunak nuka

Kristo. Mam nu ekoto kisiriengutu oni. Kageunet naka apak ejauna

atiokisio kidding inacan ka anacan kotoma ojakait. Kau ngina iwanyuni oni

kotoma Ageun epone lo kobu adedengu konyou na kiding Kein kosodi aiyar

onaceke Abel [Ageun 4]. Ngun nu kopotu kogeunos komisiri loka Eden

kobu kitegia ailan naka atiakatiak ka abilibil epaperone kidding inacan ka

anacan kotoma aiyuun.

Aanyutu ber oni ekanisa noka Kristo noka lolo. Imara e naaba loka

aijanakineta kosodi ijo asesen kaukes. Egeune noka ikanisan kere epol ejie

ka aretonokin. Atiakatiaka kopone loka aijanakin, iponesio nuka itunga

ikulepek ka inonosio ayautu atiokisio nu ipu, ainakin eyuunak atiakatiaka.

Ecwearos ikristayon komer luka asurup konye ikwes ikulepek nu ebakas

iswamaete aswam naka Edeke. Yesu esisian ke nges ebilakini ebotet.

Aitutukete naka mojong ka naka itetet kere ileleba ajenanuto nuka iceleta

nuka itunga nuka aiyuun adiopet.

Ibore yen isinyikokit kotoma okokoron kanu, eyinakinit Ejakait Yesu

ekekanisa abongokinet. Aijen ejautene noka etunganan ka atiokisio nu mam

epatana ainac, egeun ikokoron nu ka akirot ‘’Arai kediaka onacekon

asurokin ijo’’ Mam nges kinyekinit oni emamei aingarakinet atereikin ka

atiokosio nu. Atupit adokena nu atiokisio, ikokoron nu erasi lu ajokis lolo.

Ipudesia Atereikin Ka Adiakanareta.

Iwanyuni ijo kokoron kanu ebe inera Ejakait nuikamunitos adiakar. Akirot

‘’Adiakar’’ epolo noi ido elimokinit oni ibore yen epol. Ipu iboro nu

eyaunete atiokisio kidding eyuunak nuka lolo. Ipudesia nu angin tunganan

eyaunete atiaka tiaka okanisa.Epedor ece akote aijanakin naka ainapakina,

ko koto bobo eceda nepol aiyalam. Eyuunak nuka Edeke ijulitos ikokoron

nu oponesio nu egalara. Iponesio nu ejariata Ikuristayon epodorete

agelegela. Ejasi ekeyakia Paulo ka nu ipu nu kisisianikini oni kotoma

Oromayon 14:5-8; 12-13. Opupoki ake acoretait:

(5) Eomit ice apaaran adiopet adepar apaaran ace, eomit ice

apaarasia kere araut nueriakanara. Kitogogongite

nginitunganan kaomisioke ilopet. (6) Yene ericit apaaran ericit

kanuka Ejakait.Yeni enyami da eynami kanuka Ejakait, naarai

imalai Edeke.Yeni mam enyami da mam enyami kanuka Ejakait,

imalai da Edeke. (7) Naarai emamei itunganan kotoma wok

yen ejari kanuke bon, emamei da yeni etwani kanuke bon. (8)

Aso, arai kijari, kijari kanuka Ejakait, arai kitwaki da, kitwak

kanuka Ejakait. Aso arai kijari, arai kitwaki da, kirai luka

Ejakait. (12) Aso do kinera nginitunganan kaoni akekiro

kakonyen nuka Edeke. (13) Kanuka ngun enyeisi bobo

atubonokin bonik ka bonik, konye aitelekarit kitogogongoto na

ebe sirikibwaikis ekomio karaida atiguikinet orot loka

onacekon.

Ejaunos duc atiakatiaketa kotoma aomisio kidding ka eyuunak. Ekoto oni

kaomitos aanyun aijulanakineta ka ngun Kokanisa. Kilosi oni ailip Edeke

koponesio nu egelegela. Kilosi oni aitodiar aok aiyuun koponesio nu

egelegela. A lot eong akwapisinei nu ipu awanyu eong ejanakine lu

egelegela nu ijanakinere Edeke. Atiakatiaketa nu mam erai cut ebe

adiakar.isinyikokit oni Paulo aijar ka atiakatiaketa nu ido kayaito kwes ejok.

Kokau kangina, abu eong ajauna okanisa no kajai keda iponesio iuni nuka

aima. Osawan iuni kajasi kwi ka aima naka einono, ipu ikosisinei luka

einono.Osawan iwongon, kainakino ngun nu ejaas kaamaisia aceka

ikosisinei nutetiaka. Isawan ikanyi, kibwaikino “Eban’ kaileleba. Kwape

keyuunak kija kere ka ipudesia lu egelegela. Mam eong auta atubokin

epone lo ka aijanakin kanuka ekanisa. Kinyarakinit Ejakait angirikinit nuce,

kotoma akuwan nak Krusto. Mam oni kere kipedori asesen iboro kopone

ediopete. Eroko edolokina onac arai inac kanu ka akiro, ekot oni atiakun

ngun nu isomai nges arai erai adiakar araibo eipud ke.

Matayo 18:15-17 mam erai atiakatiaketa ngun nu idumun oni ko kuristayon

kanu ipudesia kes. Na ebalar Yesu,’’Arai kediaka onacekon’’ Inera nu

ikamunitos inac arai onac na agir aisisianakinata nuka ikokoron luka

ebaibuli ido elosi kwana kopone lo esurokinit Edeke karai oni ajenun

aisisianakin ke Yesu ko kokoron kanu, ekoto oni atiakun epudesia ka

adiakar.

Adiakar erai nges amamutu ayongite ngun nu luecaiet kotoma kanu

iwadikatai k’ obaibuli. Epedoret nu araut nu epeleikinio arai mam

epelekinio. Mam ekot ijo adiakar ka apeleikinet luka aronok. Mam ekot ijo

adiakar nges konyet ijenikina ijo. Aimario 15:22-24 itetemi nges ainakinet

na einakinio kanu adiakar ngin na epeleikinio.

(22) “Ido naipaariata komam iricito aicorakineta ngun kere,

nualimoki Ejakait Musa,-[23] ‘’Ngun kere nukecorak yes

Ejakait kamaka Musa, ameun kapaaran nasiauna Ejakait

aicorakin anatar aturiokus kere— (24) Ejaun kwana arai

kibucasi, komam ekodet ejeni, einakin ekodet kere emong

lotobait kanukaainakinet naicweio, naka asakat na eur saa

mama ejai Ejakait, nepepe kainakinet ke naka akirai, ka

ainakineteke namatat, kwape ejaar ekisil, ka ekoroi ediopet

kanuka ainakinet naka adiakaret.

Esekiel 45:18-20 inera nu kamunitos ainanakineta nu somao kanu

abanganut arai amamutu kaijen.

(18) Inera kwanat Ejakait Edeke, ebe: Kolap losodit, kapaaran

nasodit naka elap, iyangari emong lotobait nomam engwalit,

kitesegai aibois nakalaunan. (19) Elemun esasedoti aokot nuka

ainakinet naka adiakar, ejuki ategerio nuka etogo, ka agoria

aongon nuka amurut naka etem, ka ategerionuka erute loka

alaro nakotoma. (20) Ido iswamaenenei kwanginkapaaran

nakikanyetkaarei naka elap, kanuka ngin tunganan yenepaari,

kangin da yeniijimat: kwangin ilucenenoto etogo.

Eraas nu ikokoron nu ikamutos onac arai inac ngin yen ediakari

kopeleikinit, arai komam, kotoma aijen arai amamut aijen kotoma akirot

naka Edeke.

Ajenun Apeleikineta

Ejasi ace nu ekoto oni ajenun kotoma akiro kanu. Ekotokin oni da angicun

itaon ka inacan ook ka ekes ejautene.alosi eong aitetemun nu kaidules.

Kotoma 1 Samuel 21:1-3 Kakerete Daudi ka iketunga kama ejai Saulo.

Kariebi etengei ka akure kipudas aitalakari. Kobu Daudi kingit esasedoti

ainakin nges ka iketunga emugati. Emugati bon lo kideuna kerai

loetiakaritai, kanu isasedotin atupite ekisil ka Musa.kotoma aitim Daudi ka

iketunga, karaida ejaasi ngun kobu esasedoti kijaik Daudi emugati

loitalaunitai. Epone ani ti epatanar aitoronia esaseredoti lo kanu aibil ekisil

ke Musa. Ejok noi ajenun ebe kobu Yesu kisima nges kanu kangun

iswamata narai iswamata kotoma aitim ido kotoma apak naka eipud.

(Koanyu Matayo 12:1-5). Kobu Edeke kocamu aswam ke esasedoti karaida

esurokinit ekisil lo kicorakinit Ejakait Musa.

Ekisil lo kasabato kotoma aitutuket naka mojong itosomaete engarenok luka

Iyudayan keda aricakini. Kobu Yesu, kejasi ngun da kotereikinos ka

iparasiyon kotoma okisil kano. Kobu Yesu kosesen aitim ka adolit kwape

ibori yeni epolo adepar ekisil. Inerasi ka Iparisayon nukamunitos nu

itangaleunio Yesu etunganan na sabato kotema Yesu:

(11) “Ingai bo kayes, yenejai amerekeki adiope yenimairiun ka

alemun arai kibirokin aipany kapaaran naka asabato? (12)

Mam tope etunganan itelekarit amerekek kotiai! Aso ibus

aswam nuejok kapaaran naka sabato.” (Matayo 12:11-12)

Mam erono acamaikin etunganan aanyun ican apak naka asabato karai ijasi

ka apedori naka aitangaleun? Mam ti erono alakakin amerei atwanare

kotoma aipanyi apak naka asabato kojasi jo ka apedori na ayuar? Eroko oni

kitepesena onac kanu adiakar, ekot oni airere ake alosikinoto ka

apelenekinata.

Etapit eong aitosoma awanyunet ka etunganan lo eyangari opaperoke lo

elosi atwanare adekis. Ejeni nges kangin tikitik imar toma aijar ke

opaperoke ido elomuni ne jai nges adolore adekis kotoma apaak katipet.

Kitekeri nges elosi, kowanyun nges awanyunet naka esipidi loenangit ko

rot. Ejai nges aseun nu iswama. Ecamakin nges onaceke atwanare kanu

aiongo ekisil noka awanyunet naka esipidi araibo ebili nges ekisil kanu

ayuari aijar ka opaperoke? Itepeseni ijo esipidi ke etunganan kalo arai

etamakit nges aruruk adekis alakun aijar ke opaperoke? Ilemikin ijo nges

ikokoron ko baibuli epone lo ebeitor nges ayongit apugan na ibwaikit Edeke

kanuok? Araibo ibwaikin ijo nges toma okisil noka ekanisa kanu aibil ekisil

noka akwap? Kabeit mam! Karai kiwanyu ijo akepeleikinet ke mam bobo jo

iseseni etekere ke noka ronon emotoka konye etunganan lo ejasi ka amina

naepol noi euta ayuar aijar ka opaperoke. Mama ake aswamisio erasi

aibucaret ka konyen ka Edeke loelaunit mamu da ebeit nges asurokino kanu

akiro kangun.

Kiriamunu eong ka akiro nuipu ne esurokinitere itunga komam akes

apeleikineta ka alosinikineta engicitai.Korai koyinakitos ngun lu

esurokinitos itunga nu apak na aingici mam ti kes epedorete asurokin kes.

Matayo 18:15 inera eyuunan ngon lo ejari epone loesurokinit Edeke. Mama

erai atiakatiak kotoma aomisio kidding naka eyuunak araida mam earai

aitosoma ekisil komam kijenunit alosinikinito ka epeleinikinito nuka itaono

kec. Arai oni aitosoma ojokan aisisianakin naka Yesu, ekoto oni ajenun

alosinikinoto ka apelenikinoto nuka onac arai inac arai cut esurokinito

Edeke araibo erai nuka elopet ka aijulanakinata.

Nu ibusakinito:

Epatana acamun, kakwap kana epol adiakar, ayangari bala

mam oni ipedor adumun ationis ka inacan? Itemonokinitori

ijo akiro nu amamutu acamanar ka apipilu ko kanisa? Itetem.

Inyobo atiaketait kidding adiakar ka ipudesia? Oinak

awanyuneta nuka ipudesia ka etunganan ka aijulakineta ngun

nu itemonik ijo Kokanisa?

Epone ani epolor oni ajenun ejautene ngon no ijaikin

etunganan aswam nueroko eroko oni esurokina kes kanuka

adiakar?

Ititingi ijo biai kotoma amamut acamanar kidding naka

eyuunak?

Kanu Ailip:

Imala Ejakait naarai ibwaikinit nges epone lo kiyuarit oni

kotoma atiokisio nu mam inacet adolokin inacan ka anacan

kotoma Kristo.

Ingit Ejakait koinak ijo asianut acamun atiakatiakasia ngun

nu ejaas kidding naka eyuunak kotoma akiro nuka

aijulanakineta ka ipudesia. Ingit Edeke aitim jo kotoma

apaarasia numam ijo kopedoritor atitikinit inacan nu kopotu

kotiakakinos ka jo.

Ingit Edeke kingarak jo amamut atubokin onac itoni ne

imisikina jo apeleikineta nuka etau ka inac ka onac.

2 - OLOT KITODIK NGES

AKEDIAKAR

“Arai ke diaka onacekon, olot kitodik nges ake diakaret”

(Matayo 18:15,)

oma Matayo 18:15 einakit Yesu epone no ebeitor aitinga akiro arai

kediaka onac. Kiyatakit oni aingic ekokoro 15, ianyuni ijo ebe

itetemi Yesu ijo elope. Mam ikokoron nu itetemete adiakanareta nu

isomanikino itunga ice. Mam na ebala ebe ekoto oni amamutu apodokinit

ngun nu erok nu isomanikino nuce. Ipu ikokoron nu ingarakitos akiro nu.

Kotoma okokor no, inera Yesu adiakanarata ngun nu kiswamata oni

ikulepeke.

Ejas duc acodunata arei ne ediakar etunganan ne kijai oni. Na sodit, etapit

oni ayangar akiro ka kanin wok kasodete akote ainyang. Erai na acodunet

na koputu ikokoron koyuwaritos kanun kongon lo ediakari komam

epelekinit ne ejai ice. Kotoma Aimario 35:10-14 kobu Ejakait kicoraki Ike

tunga adumun kibugan nu ka ayuwar neyangaro ngun nu eyaret inacan kes

komam epeplekinotos tetere ekuyete enyangit kokalia kes.

(10) “kolimok idwe luka isirael ebe, kidokata Yorodanadolore

akwap naka Kanaan, (11) iseunete ireriakuslueraunosireria

nukauaratetere ekaaran loke eyari etunganan komam

epelekinitekeriari ngina. (12) Eraunos ireria luikuianarete yesi

kaneejai ekenyaangaranteter mam ekaaran etwani, aitodol

naebwoia kakonyen nuka ekodet kanukaatubokinio. (13) Ireria

luiinakinete eraunoskamakus ireria ikanykape lukuianara. (14)

Iinakinete ireria iuni kajuwai naka Yorodan, iinakinete da

ireria iuni kakwap naka Kanaan; eraunos ireria luikuianara.

(Aimario 35:10-14)

Kikwengarit oni ekeyakia Paulo nukamunitos ayaite akiro ka kaniniwok

kikulepek, Iromayon 12:19.

Luminan, sirinyanganakinos, konye kinac anyunyura, naarai

iwadikatai ebe,’’ebala Ejakait ebe, Enyangit ekang, eong

atacakin. ‘’

Ecaete kotoma okokron kanu ebe mam ibusakinit Ikuristayon ainyang

aronis ngin na iswamakino kwes. Ekot oni aitepege eok eipud ‘’amamut

adolokin nen.’’

Aitemosit naka iyareit neijai oni karai kediaka onac arai inac, nges

aililingikin. Kobu Yesu kisisianikite ebe ekoto oni ainakin akit yada:

(38) “Ipotu kiiras kelimokinitai ebe, Akongu itia akongu, ekelai

da itia ekelai.’ (39) Konye eong katemari yes atiar,

Sirikinyanga yenikaronon.konye ngin itunganan yekibapi

eitinyokon lokoteten, kibelok lokokediany da. (40) Ka

itunganan yenekot awoosan jo, ayangaar ekasokon, kinyeina

nges ekooti da. (Matayo 5:38-40)

Ti epatan oni ayangar na ebe ekoto Yesu oni amamutu aswam adis akirot

mama ejasi ngun nu iswamanikinete oni nu eroko. Esubit na bala inacakina

kangun lukilimokit oni Yesu kotoma Matayo 18:15. Ejai aitegelekinet

kotoma aisisianakin naka Yesu KO Matayo 5 ka Matayo 18. Matayo 4:38-

40 Inera Yesu epone no ibongokina oni etunganan ‘’no aronon.” (39). Erai

ngin yene mam ejen Ejakait araiakirot naka Ejakait. Matayo 18 egitakina

noi.Ne inera Yesu epone lokibongokina oni ‘’onac’’ ngon no adiaka kane

kijai oni. Kitodikinit na oni ebe epone no kibongokina oni onac no iyiunit

ka etunganan no mam iyiunit ekot ko jai atiakatait. Inera Yesu kotoma

Matayo 5:39 ebe mamu ekot oni aitepege ‘’etunganan loka ronon.’’ Matayo

18:15, ekotenen, ebeit oni alosit nejai onac kasodote ‘’aitodikin nges ake

diakarhowever.” Ikiaar nu eomitos eyiunaka. Karaida kijanan oni ka

atiakatiakasia kanu mamu iyiunitos, ekot Ejakait oni aitam nukipedori kere

awanyun ebe kitemokini oni akiro nu kotoma akuana naka Kristo.

Nu epolok nu ikoto oni aitogogong kopoint kanoka yareit ebe amamutu

aswamu idisbore kere esurokinit aisisianakin ke Yesu kotoma Matayo

18:15. Isisiankinit Ejakait ebe karai ne ediakar onac arai inac nejai jo, olot

kitodiki nges ake adiakar Akirot ‘’olot’’ kane mamu eburokino. Erai na

aicorakinet naka Ejakait Yesu. Arai kediaka onacekon kane ijai jo, kolot

kolimoki nges. Kimina oni duc akurianakin kanu akiro nuipu.

Na soditi, kwape keyiunaka kipuda oni aibelokin da akit nace (Matayo

5:38-40). Icie sawan kiseseni kwape aok aswam aidak amorimorisio ka

adiakanareta nuka itungaSometimes. Mere nu lukobu Ejakait Yesu kiswam

kanuok? Isaia 53 itetemi Ejakait Yesu etitingikinit ngun bala amerei na

etubi ekatubon akejul:

Koponi kicikakitete nges ka aitipipili, konye mam kobu kongaa

aketuk, koponi koyangarai kwape amerekeki naayangario

atubio, kwape da amerekek kongaren ka ekatubok ajulo kililing,

mam kobu kongaa ake aituk. (Isaia 53:7)

Mam Yesu kobu kitipege ngun nu keyangaret nges aiyar. Na kingisere, kobu

kililing kongaren ke kangun kanu itoronitos nges. Kubu kocamak kes

aitican nges ka aibubukin komusalaba. Kwape keyiunaka, ekoto oni

atupakin awanyunet naka Yesu kelilingete.

Nalosio eong ne ejai onaceka, mam eong alos kanuka konye kanuke.

Akapakina eong ainakin akit yada, konye adoo onaceka adiakar. Karai

kapal nu, enyiekik nges kotoma adiakar komam ibelokin. Erauni na

aitipipilikinete ke. Alosi ne ejai nges tetere nges enyouni kotoma alangiru

naka adiakar kanamam erai ayuar akakuwan.

Abobngokinete nakayareit namam oni kilosio najai onaceok, erai akuriau

naarai mam oni kijen nuelos nges abongokin oni. Mam oni kijen nu etamari

nges karai kilimoki oni nges akediakar. Ekadakin nges? Epedori nges

asurokin oni? Emamei epone no kipedoro oni ajenunu ngun nu epedori nges

abongokini oni. Kejasi ngun da, aicorakinete ebe Olot, esalakinit. Ado

onaceok adiakar, arai ekot nges aikwengario. Ipu ekadolitok nu

etamakinitos ener abeit naka akirot naka Edeke eroko oni. Ecokon no anyou

akemerekek kosipan, komam epedor angirikin ka aitosoma agogongu

naepol karai nges ainyakun amerek osipan. Kobu Yesu kibwaik akejar

omusalaba kanuok. Inyobo kikapakina oni aswamu kanu kinacan wok?

Kingirikin oni aitunyurikin nges? Kingirikin oni ake anyunyura? Anibo

etiai lo ikapakina jo aitac kanu ainyakun onacekon? Karai cut kimina oni

onaceok, mam oni kisalakin kinapakina neewutar diakar aitelekari nges

karaida kisurokinit adiakar ngin oni.

Naka uniete, kimina oni akurianikin kanuka amumutu kanuka inera. Erai

nacut naka abeit karai epolorit onac KO karu, arai kayiun. Mam oni kimina

apodokinit adolokin nges atupit ake apolou kotoma aiyiun. Ice sawan

amamutu ka atitingu aingit elomuni kotoma akiro numam oni kicai kotoma

kes. Araibo mamu oni kimisikit akiro kojokan. Epatanakinit oni ainakin

onaceok abuonokin itia adolokin. Keyitutu na ebe adiakar erai nges ationis

naka kanu etiokitos kanu elidio da kotoma kayiun. Nu epolok ka nu

edisiaka kere edoete. Adum duc eong ainongosio kotoma alosit ka ka

Ejakait ko idwe ka. Karaida emamete kes ka aijen naka aijark ka naka,

epedorete kes asisianakin eong. Inapakina konye siri amamutu apedorite

kiyinaki jo amamutu ka ayongite.

Ejai ibore idiopete yen ekoto oni ajenun kane kotoma akirot ‘’olot’’

etunganan no ebeit alosit nes lo tipipiliuna arai no isikadikina. Eteetemunit

eong ejautene kalo, kageunet naka ainapeta kanu ne kobu aberu konyarite

eong kwape ecokon aingarkin kokiding ke ka inacike kotoma Kristo. Iticaut

Yesu kokoron kanu ebe ngin yen itipipilitai nges elosi. Ti aibucarete na

iswamakina ice tunganan kere konye mama kobu kojaun kwangin. Awanyu

Edeke cut edolit acamakin nu adoikin ijo. Enyarit nges ijo ajaun ka nu

swama. Kanu ka ngun ebe kiswamakinos nu jo, ejai ijo alosit. Etapit duc

itunga amamutu aijen adiakar na. Emamei ice tunganan yen ebeit ajenun

konye ebwaik Edeke ebokorit no nejai jo, ebeit jo ‘’alosit aitodikin nges ake

diakar.” Aijukar ice tunganan kadoketait kana, apolouke ibilijo acorakinete

ka Ejakait Yesu.

Ojenu ngun nu ibusakintor oni alosit ne jai onaceok.Ebala Yesu ebeit oni

alosit ka apelekinete na aitodikin nges ake adiakar. Alosi bobo eong

aitotong na ebe mamu Yesu kobu kolimoki oni alosit abwaikin aok ayongio

arai ejautene. Apelekinete na kilosio oni aingarakin onaceok ajenun

akediakar ka nges aitoronikin kobongok aupa ka Ejakait.

Ipu iponesio nu itodikinere onac ake adiakar. Mamu iponesio nukere erasi

nu togokit Edeke. Kipedor oni alosit nejai onaceok ka ejautene no adolit ka

epudi ka nuke aitojokar. Erasi nu iponesio nuka eparasioto kotoma Luka

18:10-14. Opupoki akeilip:

(10) “kodokasi itunga iarei oyekalu ailip, ediopet Eparisayoto

loce da eketeleman esolo (11) kobwo eparisayoto kilip kwana

kotauke ebe,’’Wu Edeke kemalai ijo naarai mam eong kiputo

kicetunga, ikangatak, ikangalak, idotea, karaida bala

eketelemak esolo. (12) Alungenenei eong irwan aarei ngin

sabato, ainanakin da yenikitomonete kotomakaluadumuni kere.’

(13) “konye kobwo eketeleman esolo Kama elwana, kwabo

mam ketitingikinitaikeun akekonyen akuj, konye kodipidip

aketorobu, kobala ebe, ‘’wu Edeke, kitimoi eong

ekadiakanaran.’’ (14) “Katemari yes atiar, kobu ngol kodok

alosit oreke imarakinitai adolitaitelekarite je; naarai ngin

pride. Itunganan yen iturokin itisilio, konye yenitisilikin iturio.”

Ailip ke Eparasayoto ileleba eituri arai kitiriana ijo ka no eketeleman esolo

lokilip kosiepi noka ekanisa. Kobu koonyu elope kwape epiriorit kosodi

aitodikin ice. Kobu Yesu kitoron nges kanu ake tuputoro arai epogete.

Matayo 18:15 ekoto ajenunio kotoma awaragan na. Ne kilosio oni aitodikin

onaceok ake ationis, ekoto oni kacoikina mam kilosi ka ejautene noka

adoliton. Erai ngon epone kangol kalo eyaikina bala ekadoliton adepar

onacek. Etunganan no esubit bala adoliton etapit nges duc aitiriana akejar

kanuce tetere nges etakanuni bala adoliton.

Kipedori oni da alosit nejai onac keda anyunyura kotaonowok kakotosi

adumun ataco kanu apipilu naetakanunit. Akoteke kitunganan kayen

ayangar iboro ka kanini ke. Ekoto nges onacek aitac ake diakar. Ekoto nges

abei. Bobo epolok noi ajenun ebe abeit epolo noi kotoma kanu wadikatai

kokoron, aisisianakin ke Yesu kane mam erai aimo abeit konye ainyakun

anac arai inac na ado adiakar. Karai kilot ijo ne jai onacekon arai inacikon

komoi atacio kanu kangun nu eswamata nges, mam jo ilosit kangun nu

inerit Yesu kokoron kanu.

Epone ani kitodikina oni onaceok ake diakar? Ipilipin 2:3 kitodikit na ebe

mam ekoto oni alosit ka itaon nuka aronok kwabo ti ekoto oni ayangar nges

bala nokitelekarit oni, ibore yen mamu epatana ne ediakaritor etunganan ne

jai oni.

(3) Sirikiswamata akiro kere kanuka angolop, karaida eitur

arai, dimarai kaitaso ngintunganan kitopolorite oupake, itia

nges elope. (Ipilipini 2:3)

Kinerasi ka ekatumunak nuka apakike, einakit Petero ainingosit ne jasi

ikatumunak anonokiar ka aitasonikin:

(5)Yes da ikatumunaka, kwape kwangin, kononokikis imakio.

Konapito yes kere aitasonikino bonik ka bonik naarai ‘’itepege

Edeke luiwongoko, konye inakini nuitasonos asianut.” (1

Petero 5:5)

Iromayon 13:8 elimokit Paulo ekasiomaka ke ebe ejai apesen namam oni

cut kipedor aitac, opesene naka aimina bonik ka bonik:

Sirijaas ka apesen mama ejai itunganan kere, dimikito

aminanar, naarai yenemina aupake etodol ekisil. (Iromayon

13:8)

Karai oni aitodikin onaceok ake diakar, ekoto oni ainac aitupitoro bala

kidolit arai anyunyura. Ekoto oni da aibwaikin awai eok ipudesa nuakote

enyangit. Kwabo ekot oni adolokin onac ka emoyo noka etunganane ka

aminakayaito nges bala kitelekarit oni. Etunganane ka ayongite eyongit

oneok karaida kibiroro. Epudi loka amina erai kanuka ainga rakin nges

abongokin. Mam epedori aiomo nuke bon kanuke kanu aitojokar. Arai

kiwanyu jo ebe mamu ijo ipedori alosit epone ngon noka ainapara arai boa

mina, ekot jo ailip Edeke koinaki jo eponesio nu.

Epolok alimun kane ebe amina naitodikin oni onaceok no adiaka mamu erai

ne ejai nges bon konye nejai ekanisa kere. Karai kiyataki onac no adiakar,

elosi atiror akuwan naka Kristokingarakin oni onaceok ajenun ake adiakar

ka apelekinete na ayuari akuwan naka Kristo karai mam, etiror nges da.

Aicorakinete naka Yesu kane ecai. Karai kediaka onacekon, ekot ijo elopet

alosit ne ejai nges kinerata kanges kanu akejokis. Mamu ebeit ijo ainerakin

idio tunganan kere konye olot ijo elopete keda amuno ebe epedori onac

ejenunu ake diakar kosodi aitoronikin kosodete aimorikikin bobo

konacekon.kiswamai nu kamina, elmar adedengu ka epogete naarai

kipedori oni da adore adiakar kosodet ileici airum kakonyen ka Edeke.

Nu ibusakinoto:

Epone ani ijaunor ijo karai ediaka etunganan kane ijai jo?

Inyobo epolokotor nu ebe ekot oni alosit nejai onac arai inac

nu adiakasi kane ijai oni?

Inyobo kitikokit oni alosit einer ka onac arai inac na ediakarit

kama wok?

Ejai atiakatait kopone lo kilosikinia oni ekeyiunan Kan mam

iyiunit ne diakarata Kama wok? Kanuinyio?

Inyobo atiakatait ejai aibelokin akit nace ka aitodikin

anacekon akediakar?

Eponebani kitodikina oni onaceok ake adiakar? Ani i

ibusakinit oni ainaca? Anibo ejautene no ekoto oni ajautor ne

kilosio oni ne jai onac?

Nunyoika ibusakinit oni aswamu karai mamu oni kipedori

alosit nejai onac kopone lo aitasono arai kamina?

Kanu Ailip:

Ngit Ejakait ainakin jo etau no itasono ka lo emina ngun lu

ediakanarete kane ijai jo. Ingit Nges aitim jo kaparasia

kangun numam ijo ipedoritor kojautene kon.

Ijari lemu jo ka awomisio nuka arononk nejai onac arai inac

nu ediakaritosi kamako? Ingit asianut naka Edeke kolot nejai

onac arai inacingin kibwaik oboro ojokan.

Ingit Ejakait Kolema anyunyura ka ejautene noka adolit nejai

onacekon arai inacikon nu ediakaritosi kotoma KristoIngit

Edeke.

3 - KIDING BER YES

IYAREI

“Kiding ber yes iyarei.” (Matayo 18:15 NIV)

rai no eyemutu no epolo noi nokamunitos Daudi ka ekajioko ke

kotabo 1 Samuel 25. Kamanete kes kamoding etamito aisi kane jai

ekabaka saulo. Kodolot aboisit nebakai Karamel nekejai ekabaran

ekekiror Nabal. Kobu Daudi kijuka Ike tunga nejai Nabal ainakin nges ka

iketunga iboro nunyamata ka nutosoma. Kobu Nabal kobongok ka aimoro

Daudi konger ainakin adiogangata kere. Kebongutu itunga ke Daudi keda

abongokinete ke, kobu kokadak Daudi kosodi aitojok asurokin ekale ke

Nabal kokbal ebe:

Kiswamaki kwangin Edeke lukasurup luka Daudi, adepar da,

arai kenyek idiokoku yenisapat kotoma luejaatar kere moi

engiun akolong!” (1 Samuel 25:22)

Koponi komoromoroi Daudi kitojokari aitingi iboro kakanin ke kobu

kotukoki iketunga kapelekinete naka aiyar kere nukilioko nu kokale ke

Nabal. Kedolokit abongokinete ke Daudi kuju noi, konye epatana oni da

adolokin adiakar ka kangin?

Ineritori ijo keda awomisio nuka aronok nuikamunitos onac ngon no adiaka

kanejai jo? Itamakitori ijo kakiro kon numamu ijo ipodokinit, atukokin

ajore naka itunga ikiliok ka angor asurokin onacekon? Mamu oni kipedori

asurokin ngon lo ebuca kane kijai konye awomisio nuka etau eputosi.

Itacaut Yesu nu ko Matayo 18:15 ebala ebe karai kinera oni konac ekoto oni

eineri ber kanges bon. Epedorete nu ajaut keda akiro nuipu.

Nasodit, ne kitemonokina oni akiro bonik, kidar oni ationis amamutu eyaas.

Oyanga bere jo katipet ne ejar eyemutu egear aweitoi. Neipuwatotori itunga

nuejenet akiro, ipu arerengusio nu amamuto ajenun abeit. Etapit eyemut

apol neduc itolosere anyoun kotuwan Toni otuwan. Ne edaria eong akiro

kidding eong ka onaceka bon, etikoki anyalatoi ka amunar.

Nakiyareit, aitemonokin ationis bon, ayua eong apipilu nati nges kedumu.

Ejai oni apelu anonokikin ka ayongite kotoma akuwan naka Kristo. Onac

no ebuca kane ajai eong, emamei acamanar. Awanyunit eong ne ejaar onac

ekapakina aitoronikin, konye nape ejenunata itunga nuipu koput kititionot

onac no abongun toma aijanakin. Karai kitemonokinitete akiro nu kidding

ka itunga iyarei, ti onac no ebongunit toma aijanakin kotoma aibuses ke.

Nakiuniet, alosit nejai onac eong bon kedar ake bucareta, ayuwarit eong

ekanisa. Emamei ibore yeni emina ajokit adepar ayinakin itunga eyemuto

nuka inera. Esiomit ka eneri lomam elai nges epol kokanisa. Kiner oni

nuerok nejai onac, kiwuta oni amunar aimorikikina nejai okanisa. Ikanisan

nuipu atiakatiakunos kanu itunga ayangar esiepono. Mamu ti ibore yeni

ekoto satana adepar adiakar konac kanu atiakia ekanisa. Kedar eong akiro

kidding eong ka onaceka, mamu nuejaunos.

Oyanga epone nokobu Yesu kojaunototor ka adiakanarak luka apakioke.

Kotoma Yokana 8 kopotu iparisayon koyangautu aberu na kamunitai

kotoma adoteu nejai nges isisianikin. Kopotu koriemutu nges ngaren

kosodete alimori ebe edumunitai nges kotoma aswamisoit naka adoteu cut.

Kobu Yesu kisomanarosi kangun nu ke yaunete aberu, kingit ebe yeni

emametotori ka adiakar, kibir aberu ngin engarot losodit.kenyout kes kere,

kosodi Yesu eineri ka aberu boni,kolimoki nges ainyekin adiakar bobo

kolimoki nges alosit .

Kopotu kisomanaros ka aberu na osamaria kotoma Yokana 4 opone ediope.

Na kelositotor kiyakia kere egwelete iboro, kinera Yesu kanges bon. Kisitik

nges ebe kejatotor ka ikiliok ikanyi, konye kejarete ka etunganan lomam

erai okilenike. Kobu koinak nges ainingosit konye iswamata ngun kere

kotoma aiyeya.

Luka 19 inera eyemutu lokobu Yesu kiriamunos ka eketeleman esolo

ekekiror Sakayo. Keyangaritai eketelemaka esolo kwape adiakanaraka

kaparasia kangun. Kopotu duc koyangaritos arerengusio nuka itunga

konyaraete kwes ikokolaka. Kiriamunos Yesu ka Sakayo kotoma Luka 19,

kobu nges elope kilip alosite Togo ke Sakayo. Na kejatotor Yesu bon ka

Sakayo, kobu koinaki nges aningosit alakakin ake bucanareta. Kobu Sakayo

kacam akebucareta, kosodi ainyakakin ikulepek ikapunu lukerodit nges. Ti

Yesu eseunit alosikin Sakayo kotunga konye mamu nges kobu kiswama

kwangin.Kobu kiswama kayeya.

Erai abeit kejaas isawan nukobu Yesu kitoronia itunga kotoma apukor.

Kobu kinerite akiro nu ededeng nejaas iparasayon. Kobu kibelono imesan

nuicecere ikapunu. Kotoma akiro kanu, ejaas Yesu esesenasi ka akiro nuka

akoko katutubet. Kobu kiner aisisianakin naemunara nakisisianakinete

iparasayon kogongaar osiepi ka kececaka ikapunu. Kipuda oni aitetenar

asisianakin na eparit ka aitetemonor kaparasia wok. Matayo 18, kekotenen

da, kikwengarit oni acoit kangun nu kinera oni nukamunitos onac arai inac

kotoma Kristo kotunga.kisinyikokit oni einer kakes kotoma aiyeya.

.Karai kirimari oni nuebala Yesu kotoma Matayo 18:15, ekoto oni acoite noi

kimori akiro ka onac arai inac. Cepakit ijauna jo kailip ace nekoponii

komoritete akiroto na kobu kitipipilite kwii. Epedorete aiboiso nuka ailip

araun aiboiso nuka esiomit. Kimina oni aimor akiro kaboiso nuipu itunga

epedorete aitipipil onac arai inac. Kisomasi nukere kotoma aitupotoro naka

emoyo.

Ne ti ekotor oni amoun aomisioti kane jai loetionit kotoma aiyiun epone lo

ebeitor aitingia akiro, ekoto oni acoite epone no moris akiro. Kotoma

adoketait nakasodit naka adiakar, ekot ber kosalakinite kidding ka itunga

iyarei eong ka no ediakarit.

Atupakinit adokena nu mamu itodunitos angetakin ejok. Kowanyu nu ebala

Yesu, “Arai kiira, idum onacekon” (Matayo 18:15). Atetemunete “Arai

kiira” ecai nacut ebe mamu inacan kere epedoret aiyirar. Akiirar apolouke

ajenunu, aitosoma abeit ka aijulakin ikeponesio. Mamu kinacan kere

epedorete aibelokin koponesio kes kosodete ainaca aronis naki nerari

kawoni. Epedorete ice aitinikik ike’s tawon ka aitepege oni. Arai kiira,

idum onacekon. Adumun onaceok ekot iboro nuipu.

Nasodit, “Adumun onaceok” apolouke ainyakun nges aijanakin Edeke. Erai

akediakar nairaparit edicaneke ka Edeke. Esubit nges kwape aigalisit

namamu ijo idolio aokot ka amina naka Edeke. Kidoloki oni onac kanu

adiakar ke, kosodi nges abongokin ejok, amina ke ka edicane ka Edeke

ebongokin.

Naiyareit karai kiira onaceka kosodi abongokin ejok, epaperone kaong

ebongokin. Ebuna araut abeit karai kitup oni asisianakin ke ka Yesu

nuikamunitos aidar akiro kiding ber yes iyarei. Emamei ibore yen erono

adepari aimor adiakar ke konac kokanisa. Karai kewanyu onaceka ebe

ayongaki eong nes kakiro kanu, ewanyuni akon podokinit. Adumun nges

kotoma aijen enyiaku eke tau ka epaperone kus.

Angetakin, adum onaceka kotoma aijen ebe edara nges mamu bobo edoi noi

toma adiakar ke. Aka aitetenar nges, etibwou nges aiyas kotoma adiakar ka

aitipipil.

Iticaut Yesu kokoro Kano 15 ebeit oni ayongakite onac ngon lo adiaka kane

kijai oni. Kediaka onac ebeit oni asesena ka akiro nu kayeya karai kediaka

onacekon, ekot oni aitereikin kakiro kayeya. Ekoto oni aitepege alimokin

itunga akediakar arai aimo adumun itunga nuejaunos osiepi kon kanu

aisipege onac. Epote akiro nuipu nemamu oni kitemonokina atiokisio

kayeya. Neduc elomunata ice itunga, mamu nuejok ejaunos. Aisisianakin

ke Yesu kane, itikokit amunamuna ejautene loka onac. Itikokin ekanisa

atiaka, erai ediopet kopone loinyakuni inacan nejai.

Nu ibusakinito:

Koyanga ber jo abongokinet ke Daudi nejai amorosit ke

Nabal kotoma 1 Samuel 25. Epatana oni da abongokin

adiakaret konaceok kaparasia kanu kwangin?

Inyobo ejokar aidar adiakar kakonac kidding ijo kanges bon?

Anibo epedorete atakanun karai kimorata jo adiakar ke

kotunga?

Nunyoika kisisianakin jo ikokoron nu nukamunitos asianut

naka Edeke ka akote ke kanu ka ngin yeni ediakarit?

Inyobo apolou ke “Idum onacekon”? Itoritor adoketait na

adumun onacekon? Itetem.

Kanu Ailip:

Ingit Ejakait aingarakin jo aiyongo anacekon lo ediakarit

kane jai jo. Ingit Edeke aitim jo kotoma apak nakobu jo

komoritor akiro kapukor kotunga nakobu komuna ejenanut

konacekon.

Ijeni jo onac arai inac na agir aicorakino? Oyanga apak kilip

kanukes. Olimok Edeke kongaa ikes tauno kowanyut akes

adiakar.

Imala Ejakait naarai emina nges ekadiakanaran. Kimala nges

kanu aisisianakin ka Yesu kokoron kanu nu ayuwasi ngun nu

adoot osiomit ka akiro taitai.

4 - EDIOPET ARAI

EKAJENAKA IYAREI

Karai mamu nges iirari, koyanga ediopet arai iyarei ka jo,

tetere ’ngin kiroto kere ejaun ajenanut naka itunga iyarei arai

iuni.’ (Matayo 18:16, NIV)

sisianakit Yesu ebe arai kediaka onac kanejai jo, olot kayeya nejai

nges kineraki nges ake bucarete. Mamu cut erai ebe kidumuni oni nu

arai kiswama oni koponekano. Epedori onaceok arai inaciok ainger

aiirari. Karai ketakanutu nu, kilimokinit oni Yesu adoketait nakiyareit

nuebeit aswam.

Kowanyu aitetemunet “karai kengere aiirari.” Mamu elimunitai kane

irwanimwasai ineritor jo kanges nuikamunitos aibucaret na. Mamu ekot oni

ayangar ebe ekot onaceok apupokin oni nasodit nakinerari oni kanges

kotoma aitetemunet naa. Icesawana ekot oni ailip kedarakitos apaki naejok

abongori nejai onaceok. Ne gelakinor ejautene, ebuni apak naijenuna oni

ebe mamu epedor aijulakin epone ke konac, kasodete aingarakin nges.

Aitetemunet “arai kiira,” mamu duc epatana ajenun. Apak ani kijenuna oni

ebe mamu onac iirarit ido akotosi oni aingarakino? Nyieki kalimu eong

iponesio iwongon.

Nasodoti, ijenuni jo ebe mamu onacekon iirarit ijo karai kenger nges

apupokin jo. Ipedor jo ainomakin nges esimu konye emamei nges apak arai

enger nges airiamun kajo karai kitamak jo akote ariamun kanges. Epedori

nges aiketakina kopone ke bon karaida kitamakinit jo eineri kanges kanu

akeijar.

Naiyareit, mamu onacekon iirarit karai kenger nges ngun luilimoki koyauni

nges ngun nuitogogongitos nuiswamata nges. Epedor aitoronar jo, arai ece.

Epedori nges amamutu acamanari kajo kopone lo imisikitori ijo nuejas.

Epedori nges aitinikik eketau ko mamu nges epodokinit ngun luiomit jo.

Epedori onacekon apupun ngun nuilimokin ijo nges konye kengeri acamun.

Karaida epupunit nges ngun luilimok, konye kanu ainger acamun, itodei

ngin ebe mamu nges iirarit.

Naiuniet, mamu onacekon kiirarit karaima nges ejanuni nuibala jo. Ejaas

isawan numam inacana ejatotor kaijen kaileleba naka abeit kakote naka

nuiwadikatai. Mamu epedori da ajenun ebe nuiswamata nges erai adiakar

ido ekoto nges aisisianikino kotoma ngun nuisisianikinete ikokoron nuko

kobaibuli. Kinerata jo kanges, itepege nuibala jo, mamu erai ebe etamit

nges ationis konye mamu nges ejeni nuekotos nuiwadikatai. Epedori nges

atamar, “mamu eong ajeni nuibala jo. Mamu nges epedor asesen aronis, arai

mamu ijo ijai alimonokin nges abeit kopone noimonikinori nges.karai

aationis na aitemokin, ekotokin ijo ayangar ice itunganan yen epedori

aisimonokin nges kotoma kangun nuekot Edeke.

Angetakini, ijeni jo mamu onacekon iirarit karaimamu nges iswamai

adisikirot kere awanyun itemokinos akiro. Epedori onacekon aijaun yes

ejok oreke, ko sodi da apupokin nuibalas yes. Epedori nges aisialamikin yes

ayaun akiro toma aijene ke kitonyouni yes ka erete loka aiyalama. Kotoma

osabitin nuikidioko kongaren, mamu yes iwanyunete aijulakinete kotoma

oponesio ke. Iyatakinitos iboro ajaut kwape lemusek. Amamutu ke aswamu

itodikit ebe mamu nges kobu kiira.

Nebon kijenuna oni ebe mamu onaceok kobu kiira nes konyete

kisukunyikina oni akiro adoketait ace. Kanekwana, ebeit oni adumun

ekajenan ediopet arai iyarei. Ekot oni acoite aputo naka itunga luiyangar oni

airiamun ka onac. Karaida mamu ekokor lo 16 itacauti aitutor naka

ekajenaka kalu, konye ejaas nuiwadikatai nu epedorete aingarakin oni

kiseuni itunga nuka abeit.

Nasodit, ekajenan lo iyangaun jo ekoto korai eyiunan. Ecai na ejok kotoma

aisisianakin ke ekeyakia Paulo kotoma 1 Ikorinton 6 ne kobu kitoronia

ikurisitayon nuka Korinto kanu ayangaunitunga numam iyiunitos

aitemonokin akiro kidding keyiunaka:

(4) Aso, arai ijaas kaitub akiro nuka aijar kana, idakakinete

kereka lumam eomitai kokanisa araut ikatubokTherefore? (5)

Enera ngun aisurumia yes ileic. Emamei keraka kotomakus

lokacoa ediopet, loepedori aitub akiro nuka iinacanake? (6)

Konye iwosanakinos iinacan bonik bobo dakakonyen nuka

lumam iyiunito! (1 Ikorinton 6:4-6)

Ekoto oni atamakin aitemonokin atiokisio kotoma ainapeta nuka ekanisa.

Epone lo eyayitotor itunga lumam iyuunitos adiakar egitakina kanejai oni.

Mamu kes ingarenikitai keda aisisianakineta kakirot naka Edeke keda

emoyo kekwape kayoon. Ekajenan lo ekot korai loemina Ejakait Yesu, keda

ake kirot, ido kingarenikite emoyo ke.

Naiyareit, ekajenan wok ekot korai nomamu einakinio esiomit. Kiira akiro

nuka Awaragasia 20:19:

Loirimirimi kideideonokin epukori nukaiyeiyea: Aso siri iupas

kangol kaloeoonganari akeituk.

Mamu epedor acaun adepari neni. Ekot oni ainac ngol no nera noi ekori

akiro nuka ronok eyarari nukaiyeiyeawei. Ekajenan wok ekot korai ekiliokit

arai aberu naepedori aidar aiyeiyea kidding oni ka onacewok.

Naiuniet, Ekajenan wok ekot korai ekiliokit arai aberu na eyongakina. Ecai

ekisil ke Musa ebe ekajenan lomamu adolit kebeit atican noi.

(16) Arai kenyoik itunganan kajenan

lomamedolitaitijenunadiakareteke, (17) nges do ibwoiata

itunga ngul iarei luepegas kakonyen nuka Ejakait, kakonyen da

nuka isasedotin ka ekatubok luejaunos kapaarasia kangun.

(18) Engicete ekatubok kojokan, ido koanyu arai erai ekajenan

loengalai kitejenunite da nuka aingal kanejai onaceke, (19)

nges konyet ikwaikiniata kwape eomitor nges aikwaikin

onaceke: ilemari kwangin aronis kamakon. (Ikisila 19:16-19)

Ekajenan lo iyangauni ijo awanyun onacekon, ekot korai loejok ido

komunon, ido ngon lo emuno ekanisa akekiro. Mamu ekajenan lo ebuni

aijulakin akiro, ebuni einer akiro kotoma abeit.

Angetakin, mamu ekajenan etiaki. Itetemit petero Edeke kwape ekatubon lo

mamu etiaki.

Arai inyarito papa ngol loetubokin nginitunganan kwape

ejaatar aswamisioke, komam etiaki itunga, kolosenenete

kakurian kapak nairaatar ikalotok. (1 Peter 1:17)

Itetemunit ekisil ke Musa kojokan ebe mamu ekot itunga luka Edeke

atiakite.

“‘Siritubenenete numam etenito: sirinupak itunganan

yenikican, karaida aiyong itunganan yenikagogongon konye

itubonokini eidunyetakon kotenan. (Ilebin 19:15)

Nuitetemete ikokoron nu erai ebe, ekot ekajenan lokiseuni oni komamei

esiepi. Ebuni nges aingici akiro nuejas kidding kus, koraun ekajenan kus

kere.

Kipuda oni ekajenakakanu aitangaleun ka ainyakun onac. Ejaas kwes ka

aswamisinei luipu.

Nasodit, erai ekajenan ekatubon lomam etiakithe. Apolouke, kengici nges

nuejaas, epedori nges awanyun ibusakit ijo aitoronio kopuai. Epedori nges

aitodikin jo ebe mamu jo ijenunit kojokan nuejaas arai obujo kolosik

onacekon kopone no mam ejok. Ice sawan, epedori eokotube arautu

noerapar. Kiinakin ekajenan wok oni awomisoit naka iyareit. Epedori

itogogongo arai aitepege nuiwomit oni kanu onaceok. Kewanyu onacekon

ebe mamu erai akoniwomisio, konye eraas nuka ekajenan, epedori nges da

aijulakin akeijen kosodi aitoronikin.

Aswam nakiyareit naka ekajenan, arautu esinapikinan noka acowa. Ice

sawan ikot oni agangat kanu aitemonokina awok atiokisio. Ipedori oni

akotokin acowa ke onac arai inac aingarakin oni adumun nuiswama. Ebwoi

ekajenan kokiding jo ka onacekon bala ekadiekan kosodi aingarakin

aitemokin ationis. Cepakit isimikit lemu oni onaceok kadedengu ka

iponesio nuka aronoko. Araibo kejai lemu onceok iswamai iboro ice

kotoma aijara ke nuekotosi aitetenio erok edumun nuitutubo kotoma ationisi

nejaikiding wok. Ekajenan, kwape loka acoa, epedori aitemokin akiro ka

amoun nuiswama nuikingarakinete oni.

Epedori ekajenan araut ekesisianakinan. Ne ejaunor amamutu aijen naka

ebaibuli, epedori ekajenan alimonokin onaceok kotoma kanu iwadikatai

obaibuli. Mamu nu epedorete ajaun kotoma aiboikinete adiopete. Epedor

akotokin ekajenan ayangar apak na esabiti ediope aitutori onac kotoma

akirot naka Edeke, kilip kisisianakinIt nges. Apelekinete ayangun onac lo

ebuca arai adiaka aiboisit naka ajenun ka aitoronikin kotoma aisisianakinata

nuka akirot naka Edeke.

Ejai ibore ice yeni ekoto oni ajenun k’okokoro kalo. Nekibalari oni Yesu

ayangaun ekajenan ediopet arai iyarei awanyun onac wok, mamu nges ebala

ebe ekot ekajenak nu ayangaun nepepe arai ediope sawa. Koyanga ber ijo

kotoma apak naedit, ijo ayangaun ekajenan konger onacekon akiirar.

Nemamu ekajenan nosodit epedoro aitemokin akiro, epedori nges ajautu ka

awomisoit naka ekajenan lo yareit. Epedor nges ajenun ebe ejai ekadakada

noka ebaibuli ne ejai onac. Epedori nges aicorakin komounai ekajenan

lokiyareit loepedori aitutor nges kotoma akirot naka Edeke. Epedori

ekajenan lo aisisianakin onac kainakin nges aica kotoma nuekoto Edeke.

Eyangaret nu apak naiepol, isabitin, ilapio ka aiboinikinoto. Ekoto oni

aitetemonor atitingu ne kimoya oni ainyakun onac.

Karaida emamei apak naetubokinitai kokoro Kano 16, nuecaete nges ebe

ekot oni acamanari ka ekajenak wok nukamunitos onacewok. Ekot akiro

“ajenunio” kotoma ekajenak iyarei arai iuni. Akirot “ajenunio” einakinit

aijen naibore yiniitogogoritai ido komamei abuonokin. Kotoma akiro ace,

etamakitai kere nuipedoro awanyun ebe edolitos ngun kopone kere eroko

eyangar nuitutubitai.

Ecaete nuiwadikatai ebe adiakar konac mamu ekoto kojaun aijen na itunga

kere. Ekoto kosalakinite nejaa oni, onac ka ekajenak nu ejenete akiro nu.

Esalakin ajenanutu ke konac, kasodete oni aisisianakin nges elilinga

aitemokin ationis. Mamu aitisilarete naejaun naarai mamu engarenoko ka

ekanisa ejenete akiro. Eyinakitai arerengu kere nejai onac kanu awanyun

ebe ingarakinitai eroko akiro eyangaar ngaren. “Eineri nejai onac” ekoto

ece sawa amamutu arautu idakikan iyarei kosimu. Atupakinit aisisianakin

ke Yesu Matayo 18:16 epedori akotokin aswamu nuka agogongu kotoma

olapio, aisisianakin ka ailip keda atukoto naka ekajenak. Apelekinete erai

aingarakin onac ajenun akediakar tetere inyakakino nges aijanakin Ejakait

komamu amunaar akejenanut ka ekanisa. Ekajenan lo kiseuni oni ekot

kokapakina aswam ka oni itoni ne kiwanyuna oni abongu onac.

Nu Ibusakinito:

Epone ani ijenuna oni ebe mamu onac iirarit ne kinerakina

oni nges ake adiakar arai aibucarete?

Inyobo ekoto kojaas ka ekajenak ngun nuiyangun oni

awanyun onac? Epone ani ecodunia karai kiyangau oni

ekajenak numamu epote osiepi wok?

Inyobo aswamu ka ekajenan? Epone ani epedor ekajenan

aingarakin oni aitemokin ationisi ka onacewok?

Nunyoika kisisiau oni kosula Kano nuikamanara ka aoko

agogongu naibusakinit alosit kanu ainyakun onacewok?

Ikapakina jo aibwoikin agogongu naekoto awanyun onacekon

arai inacikon ebonguni?

Kanu Ailip:

Imala Ejakait naarai ijaikinit oni arerengu kere aitoronikin

kadiakanareta wok eroko kilecoro oni.

Kitakadikitori ijo onac nokobu kogir aiirar jo? Ingit Ejakait

ainakin jo ekajenan loka abeit loepedor aswam kajo itoni

ainyakun onacekon.

Ingit Edeke ainakin jo atitingikin kayiun kitoni jo adaun nuka

ainyakun onacekon, arai inacikon.

Ingit Edeke aitodikin jo arai idiakarit, ido kipuda aitoronikin

kotoma adiakari kere ngin na esilwania onacekon arai

inacikon kotoma atukonokin ka jo arai ka kuwan naka Kristo.

5 - KOLIMOK EKANISA

Karai kengere apupokin kes, kolimok ekanisa. (Matayo 18:17)

otoma osula lo angetakin, kapotu amisikisi ka aisisiaun da aswam

ka apeleikineta nu ikajenak kotoma aipur adiakanareta kinacan

wok.Ikokoron 17 itegearit kede akiro”karai kenger apupokin

kesi.” Kisitikini oni bobo na ebe; kede ejautenen lo etunganan, emamei

ibore esipo.Epedori bobo da ebe karaida ijaikitos ikajenak apak ka amun

kec kanu aipur inacan wok, esalakini onac itogogonit eketau mam

aijulakin.karai erai kwangin, isisiakinit ejakait Yesu oni ebe kayangasi akiro

ngun mama ejai ekanisa.

Inyobo ekanisa? Epataka nu kere,ekanisa nges akwan naka itunga anatar

akwap kere lu acamutu ejakait Yesu kuristo kwape eketajaran.Nu nges

enyaritai ekanisa.kodoco,ekanisa ngesi aibunget na ikeyuunak lu emorete

kagoriek nu egelegela.kipedori da atiar ebe inera Yesu nu ikamunitos

akuwan naka ikeyuunak nu erucokina ka inacan wok.

Kotoma aparasia nuka iyakia ke ka yesu, arai ekanisa ediope bon kangin

atutubet.Lolo kejaa ngun da, ediope eibuga arai eboma ejaasi ka ikanisan

swii.Apolouke ebe epedor onaceok ajaikin apetetait acie.Nu inyo iswamai

ijo karai mam onacekon ilipi ejakait edeke ko kanisa ediope kajo? Ekanisa

bodo ani idolokini ijo kanu adiakanareta ke? Karai epedorosi, adiakanareta

ke onaceok, ekot kitetemoi kokanisa lo ilipi ngesi.kanu angun, ibusakinit ijo

ka ikajenak kon ainerakin ka eingarenone lo ekanisa kalo ilipi onacekon

tetere aikwenyakin kesi ainapeta nu ikamanara aipur adiakanareta kidding

yes.

Ainingosit lolo nesi na ebe eyuunak lu ipu mam ejasi toma okanisa lo

atutubet kec.Nu inyo ipedori aswam arai mam onaceok kilipi nepepe ka oni

apetetait wok? Kija ka abongokineta aarei.

Karai ijanakini onac kapetetait na kore, karaida mam ngesi erai idiopet

kayesi, kodolokis eingarenone lo apetetait na ijanakina ngesi.karaida mam

ngesi ijanakin Kayes nepepei, kipedori adolokin eingarenone kon tetere

icorakinete nutupitono kanu adiakanareta onacekon kosodete aingarakin

nges aiboisit kon.

Aingiset bobo acie epedori alomun kotoma aitetemunet kana ””kolimok

ekanisa””,ebe epone ba ali “”alimokin”” apolouke ebe aiswamaun.Biai

ikotokinos kereka ebe kolimor lo itipipilitai adiope paran adiakanareta ko

naceke koingaren naka aurianet ekanisa?Nu kere mam eraasi nu

ibusakinitos.Mam edolit aitoosia onacekon komam ekanisa ka ajenak

irerooritos arai aingic kede ajenanut ka ikajenak.Nu ibusakinito nesi

alimokin eingarenone lo ekanisa kosodete do kesi aitojokaar

nutupitono.kanu inyo edolitor ayangar akiro ikanacan okanisa?1 ikorinton 6

itetemitos nu irwan ipu korucokina ka aisisia na,kaso apupokisi nu inerit

eyakia Paulo kotoma okokoron kalu;

(2) Arai bo mam ijenete ebe etubokinete ikalaunak akwapin?

Aso arai itubokinete esi akwapin, mam kereka ipedorete aitub

akiro nuedisiak noi? (3) Mam kereka ijenete ebe kitubokini

imalaikan? Kikurokinito biai akiro nu nuka aijar kana! (4) Aso

arai ijaas kaitub akiro nuka aijar kana, idakakinete kereka

lumam eomitai kokanisa araut ikatubok! (1 Ikoriton 6:2-4)

Ijaikinit ejakait edeke ekanisa apedorosio nuka aitub adio angurian na ejai

kidding inacan ka anacan kotoma kuristo.Itetemunitai nu kotupitete

angurian na kobu kolom kanu akepio kokanisa kwape iwadikatere

aswamisio nuka iyakia 15,abu ekanisa loka Antioch kijuka Paulo ka

Banabas Yerusalemu apupokin atubokinio naka engarenok lu ekanisa.

(15:1) konye kijesunos icetunga anyoun ko Yudaya, kisisianakis

iinacan ebe,”arai mam ikepio kwape ajar epone loka Musa,

mam ipedorete aitajario.” Kosodi edaut Paulo ka Barnaba

epeget ka itunga ngul ka aibakibak noi, kicorakis inacan Paulo

ka Barnaba ka icie kakes adokar Yerusalem mama ejaas

ikiyakia ka imakio kanuka akirot kangin. (Aswamisio 15:1-2)

Anyoun 18:13 itetemit mama ijai oni ebe Musa, erai ekabwoikiniton ka

ejakait edeke, kiboikin “”ageun tupuruc aitodol ebong” atubokin itunga

adiakanareta nu ajaas kidding inacan ka anacan kotoma aparan ke.Ijaikinit

ejakait edeke apedorosio mama ejaas ingarenok luka ekanisa ke aitolot

etube aboisit ke.

Yakobo 5:14-15 inera ebe epupokini ejakait edeke ailipasinei nuka

engarenok luka ekanisa kanuka aitangaleunio ka aisionio nukadiakar;

(14) Ejai kereka yen edeka kotoma kus? Konyarau imakio luka

ekanisa, kilipakis nges, kinyonyoikis akinyet kokiror loka

ejakait. (15) Ailip da nakaiyuun kitajaaari ikadekan, itonyouni

da ejakait nges, arai da iswamat nuka diakar, isionio nges.

Kisitikit Yesu ekanisa kotoma Matayo 18:18 ebe, abeit atemari yes atiar

ngin yeneinio kakwap eenio kotoma akuj da.Ngesi atiar itogogongit ejakait

edeke etube lo ekanisa noi.

“Kalimokini yes abeit atiar, yeneinio kakwap eenio kotoma akuj

da, nu elacio kotoma akwap elacio kotoma akuj da (Matayo

18:18)”

Ijaikinit ejakait edeke ekanisa apedorosio nuka aitolot etube ka itogongorit

nu itutubete.Itutubi ekanisa aiboisit ka ejakait edeke ido da ibusakinit oni

ayongakinit nu adautu ingarenok aitutub.

Ne ketaraunere Yosepu engarenon kakwap nako Misiri, abu ekabaka parao

kolema egilut ke kosodi aitanap Yesepu obokorit ke.kiswamai ngun kobala

ebe emunokina Yosepu aitolot eyaitene kaibecokina.Mam parao kabu kojal

ake ngosibib kwape engarenon lokapolon k”misiri konye kabu kijaikinite

Yosepu apedorosio aitolot ainapeta aiboisit ke.karaida ijaanakini Yosepu

parao,nu kitutubi ngesi kere keyongakitai bala kelomunitos kama ejai parao.

Na ngesi aputo apedori na ijakinit ejakait edeke ekanisa. Kwangin irai da

ikeyakia kiswamai kere nu kakwap kanuke. Kwangin kotema Yesu atiar

kere nu kilipi kwape ikeyuunak, kokiror ke, iswamikini oni.

(13) Akirot kere nailipete kokiror ka, eswamai ngin, tetere

itopolorio papa kotoma okoku. (14) Arai kilipa akirot kere

kokiror ka, eswamai ngin. (Yokana 14:13-14)

Nekiyaunia onaciok ka adiakanareta ke toma okanisa, kiyau nges toma

adieket na ikeikina adoketait noi kakwap kere.Ekanisa kwape ijanakina luka

edeke epedori aitolumun etube lo itubusikit ejakait edeke elope.

Loinyo epelu ka ekanisa kacut noinoi ikengarenok kotoma adiakar Kwa

kana? Nasodit, erai epelu lo ijaikinit edeke engarenok Lu ekanisa kwape

apedorosio nuka ejakait edeke anyuun bon ebe itutubio ngun kere kotupitete

nu eijiri kanu itetemitos ikajenak ka lo adiakaran.

Epolok nu oini ajenun bon ebe emame etube lo itolomunitai kotoma apak

kana kotoma apak kana, ijaikinitai onac arereng na aitoronokin kosodi aisac

arokisio ke.Apeleikinet na ayaun onac okanisa mam erai atubokinio konye

ainyakun nges toma osipan luka ejakait edeke. Kwangin, kojenu kereka ijo

ebe karai enger onacekon apupokine ekanisa, ngesi itojokarere aitisilario.

Erai eingarenone lo ekanisa ngesi itolomuni etube lo awasia kotupitete

aswamisinei nu ainyakun onac lo adiakaraan toma osipan ke.

Nu tupitono:

Wori bo kosodi eipone ba ani ikwenyakinia ekanisa nu

adiakar ka onacewok?

Na inyo apedor ejatatar ekanisa kanu etube lokonaceok?

Kanu inyo ibusakinitor ayongakin nu itutubi ekanisa?

Epelu bo ani ejatar ekanisa kanu aingarakin aipur adiakaret

keda onaceok?

Kanu ailip:

Isialamik ejakait edeke narai ejaik oni akwan na etubi

adiakanareta kidding inacan ka anacan.

Kilip ejakait edeke isioni ijo kanu apalunit ka amamut

ayongit nu itutubi eingarenone loka ekanisa.

Kijaik apak naka ailipanakin ingarenok luka ekanisa, kingit

edeke kijaik kesi acoa na aitolot etube jokan.

Kingit edeke kijaik ingarenok lu ekanisa amina ngin na

aipudakin aswam ngun nu eyaunete aipuc toma akwap kere.

6 - ERAI KEGIR AKIIRAR

EKANISA

Arai kegir akiirar ekanisa. Matayo 18:17

otoma osula lo angetakin ,apotu annyutu epelu ke ekanisa kotoma

aipur inacan ngun lu atitingoto kotoma adiaakar.Toni lolo

kana,ejaas onaceok ka arerengesio nu aijulakin ka aitoronokin

kotoma adiakar ke.Kenerakinos da ka onaceok kaiyeya esi bon.Arai kegir

onacekon akiirar, koyaunai ikajenak aimor kangesi,isisianikinai ka

aikwenyar nges.Akaulo na aigir apupokin kesi,itutubete do ayaun nges

okanisa.kinerakinos ka ingarenok,irerosi da ejautene onaceok kasodete

aisinyikokin nges aitoronokin ka apuconor kidding ijo ka onacekon.

Kowany kereka ebe araida akaulo na atamanar iwaitin ngun kere,epedori

onaceok aigir apupokin.

Kotoma aijen ka, kotoma apak kana onac arai inac ti kwana kedau aijal

ekanisa cut.Narai ipu nu eyaunete epone akiro kanu aiswamaun, aso katirosi

adis.

Nasodit epedori onac aijal ekanisa kanu aniniku na etau ke. Ngesi atemar

ebe mam nges ekoto aisac adiakanareta ke, ido da mam emisikinit arokisio

ke.Aticepak aniniku naetau ke eraun epoget loka akwan.Epedori aigir

apupokin ekanisa narai ekoto etau ke ainyikokit kotoma adiakar.kojeni da

ebe aswamisio nuka adiakar ke mam ecamunio kokanisa ido da ijaikito

aswam nu eroko.karai itoronokin ngesi, inyakunio toma osipan luka ejakait

edeke, arai inyikoki kotoma adiakar enyouni kokanisa.

Epedori kereka onac arai inac aijal ekanisa kotoma apak kana kanuka

abilakinio ebotet.Arai bonat onac epolounit ka oni kosodi adukun

eipaperone kokaru lu ipu kokanisa.Neitereikinor kadiakar ke, keja ngun da,

epupi ngesi ebe ikepapero ka ekal ebwoete kanges. Nu kere elomunete

kotupitete epone lo itutubitere etube.Aticepakngun lu iswamanara ka

onaceok mam opotu kitodiasi amina.Aticepak kineritos akiro nu kisikadikis

onaceok kiteikinos kesi kwape lu asurup.Nu iswamai ngesi bon aijal

ekanisa.

Akiro acie nu itonyounete inacan kokanisa nges aipup ileic.epedori apupun

bala ebeliar akediakar otunga.Ne elomunia ngesi okanisa, ebala ebe

nukinyo eomitos itunga kanuke kosodi apalun ailip kokanisa.

Eomitos ice itunga ebe aisurumio ileic, erai idiope kaitisilario.Epupete da

ebe aibeliar itunganan otunga erai epone ediope lo inyakunes nges osipan

luka ejakait edeke.Mam da bobo itunga kwalu emisikitos atiaketait kidding

aisurumio ileic kotunga ka anyaraunio na emoyo lokalaunan.Anyaraunio

naka emoyo lokalaunan mam epeleikinit aisurum arai aitisil konye erai

aikwenyar ka ainyakun inacan.

Akiro acie nu ijaikinete onac aijal ekanisa ngesi nu eomit ngesi ebe mam

itemokinos.keja ngun da, mam aticepak ecamunete nu itetemit ekanisa kanu

adiakanareta.Aticepak adiakar erai epeget kotoma ikeyuunak.Epedori bobo

da inacan wok aitegelikin kane ijai oni kotoma aijen naka adiakanerata

kosodi da mam ajaikin inapakina kanu itutubit ekanisa.kwangin eseuni da

ekanisa ngon lo ijaunit nges koupas ka aijen ke.

Kingetakini,epedori bobo onac aijal ekanisa kotoma ngun narai adaun nges

amun kotoma apetetait kangin.Erasi ngun abeit noinoi kane ja

ingarenok.Amamut ka amun kotoma okanisa eposik noi ido da ijaikini nges

atiar mam bobo iswamanaros ka ekanisa cut.Ne enyounio einer ka

aisisianakin,iteete nges itunga kwape ngin yen kobu kodo adiakar karaida

itoronokin ne ejaas inacan ke.Mam cut emunosi ngesi,aciepak mam itunga

imurokinitos nuasonya. Ebuikini do kwana ibore ngin onac lo adumun

ekanisa ecie ne epedoritor ngesi aisianakin eijiri arai ne mam iteere nges

kwape ekadiakaran.

Kojenu kotoma okokoron 17, ebala Yesu atiar “karai kegir akiraar ekanisa

da.” Akirot ekanisa “da” erai ibore epol noi.Erai ibore idiope aigir akiraar

onac arai ikajenak lu eyangauni ngesi bobo da acie kanu aigir akiraar

ekanisa.Ijaikinit ejakait edeke ekanisa apedorosio nu itegelikina aitub akiro

kwa kanu.Isisiakinit oni ebaibuli ayongit ka apupokin eingarenone lo

edaunit ejakait edeke aitodolikin:

Korimarito ikengarenikinitoko kus, kononokinito da; narai ekwenyete ngul

kanuka aijar kus, kwape luinyakunete akirot; tetere iswamaete ngun

kaiyalama kwabo mere keidiny; narai timam ngin kingarak yes. (Iburanian

13:17)

Keja ngun da, ekoto kereka oni amisikin bon ebe ejai nepe ejaunor epeget

kidding onac ka eingarenok lu ekanisa.kabu ekanisa kikwenya Paulo mam

alosit Yerusalem konye aswam naka emoyo kobu kitonyou nges.

(Aswamisio 21:4-6: 10-14). Kobu konger nu inabin ka ingarenok lu ekanisa

kosodi aswam nu aomit nges ebe erai anyarario naka ejakait edeke kaijar

ke.

Engarenok lu ekanisa mam eraas ikadolitok.Icesawan mam itutubete akiro

nu eyauno mama kes kadolitonut.Aticepak kopone lo aingarakin inacan ka

anacan aipur, kesu da edoete toma adiakar kosodete einer arai aswam ngun

nu itipipilete ekadiakaran.Nunyokia iswamai ijo karai ediakasi bobo

lukatubok kotoma apak kangin? Karai erai kwangin, kodolok ekadiakaran

ingarenok kinerata kesi bon kosodete atupakin nu itojokarit Yesu kotoma

aiwadikaet kana igirakinitai oitabo lo.

Nu ibusakinito oni amisikin nges nu ebe karaida emamei adolit kokanisa,

ijaikinitai aitutub ka aipur akiro kidding ikeyuunak. Erasi nu apeleikineta

nuka ejakait edeke nu ijaikinitai ikengarenok lu ijanakinete oni. Ipuda

ejakait oni arimarit kes ka araut lu inyakuni akirot kotoma anapeta nu

epesikinitai.

Karaida eja ngun, engarenok, eraas lu inyakunete akiro mama ejai ejakait

edeke.Ekoto kesi kocoitos da itemonokinete akiro nu isukunyuno mama kec

kominasi da ikedwe.Aticepak emami bobo esula lo epol agogong noi adepar

lo Esekeri 34.

(2) Okoku loka etunganan, kodwarak ikecokok luka Isirael,

kodwarak, kolimok kes ikecokok ebe, inera kwanata ejakait

edeke ebe: itukwi ikecokok luka Isirael luitanyamas bonik!

Mam ti ikecokok itanyamete amerekekin?

(3) Kinyamete lukasiepai, konapete ajul, koarete luetarioko:

kwabo mam itadakete amerekekin. (4) Yeniroga mam iticasete,

kwabo mam itangaleunete yenedek, kwabo ma imoenenete

yeneoliorit; konye iyaitos kes kagogong ka adedeng. (5)

Kisiarakinos kes kanuemameor ekecokon: koraut inyamat luka

itiang luka ais, kisiarakinos (6) kirimoto akamerekekin akwap

kere; kwabo amamei yenabu kingisitoi karaida amoun. (7) aso

yes ikecokok, kiraasi akirot naka ejakait: (8) inera ejakait

edeke ebe kwape ajaria, abeit naarai apotu akamekrekekin

koluoros amejan, koraut da akamerekekin inyamat luka itiang

luka ais, kanuamameor ekecokon; kwabo mam ikecokok apotu

komoata akamerekekin, konye ikitanyamas ikecokok bonik,

komam itadakete akamerekekin; (9) aso yes ikecokok kiraasi

akirot naka ejakait: (10) inera kwanata ejakait edeke

ebe:koany,etusurupi eong ikecokok;eburai da akamerekeikin

kakankec,kesinyeik kesi aitadak amerekekin;kwabo mam bobo

ikecokok itanyamas.Ayuuni akamerekekin kaitukec,kinyesi

araun inyamat kamakec. (Esekiel 34:1-10)

Kotoma aiwadikaet kana, kitoronarit ejakait edeke ikecokok kanu asiarakin

akemerekekin. Kopodokitos nukec bonik, mam da apotu kitodutu amina

mama ejaas idwe luka edeke kitisilasi kes kosodete da aipug kees ka

adedeng.Etubokini ejakait edeke kesi kanu akec amumu.

Apedor na ijaikinit ejakait edeke ingarenok luka ekanisa, eupasi ka

apeleikineta, aso kwangin ibusakinit oni amina akemerekekin.Mam da erai

apeleikinet naka ejakait edeke atwaniar adiope kotoma amerekekin ke narai

ngin ekecokon ebuni aijaikin akirot naka ngin amerekek. Ingarenok luka

ekanisa ibusakinit kesaidar ayuara naka ngin amerekek.Ekoto da

amerekekin kojenete ebe emunokinos ekecokon aidar kes, erai da na epelu

loka engarenok aanyun ebe idarete ka ayuar amerekekin.Ijaikini da na

amerekekin ajaut ka ailajara kosalete da okanisa.

Nutupitono:

Inyo akiro Ijaikinitos itunga enyounete kokanisa? Nunyoika

kipedori aswam kanu ainac nu?

Epedori kereka epeget ajaun kidding inacan kanu adiakar?

Kijaik cani awanyuneta?

Kanu inyo epolor akiraar ekanisa? Inyobo ainingosit?

Nu nyokia ipeleik ikengarenok kotoma okanisa kane ejaasi

ikeyuunak? Biai epedori ekecokon komoyo aingarakin inacan

lu adiakasi aijulakin akiraar ekanisa?

Inyo atiaketait kidding ainyakun onacekon ka amina ka

acamun ike iponesio luka adiakanar?

Kanu ailip:

Ejai kereka onac arai inac nu etereikina ka ainingosia

kokanisa kon? Kilipak kes kitodik edeke ijo eipone lo itodiara

ijo amina ke mama eja kesi.

Kisialamik edeke kanu ingarenok lu esipokinit ngesi ngaren

kon.kilip kijaik kes asianut ka acoa, kamina na aidar

amerekekin.

Kilip edeke kijaik ijo asianut ka ejautene loka aijanakin ejok

eingarenone kotoma okanisa kon.

7 - ONYANG NONYANG

NGES KWAPE EMOIT

ARAI ETELEMAN ESOLO

Karai kegir akiraar ekanisa, korau ngesi kamakon bala emoit

ka eteleman esolo. (Matayo 18:17)

wape ijaar angetakin akiro nu, abu Yesu kolimok lu apupete ebe

karai kegiro inacan kec akiraar ekanisa korau nges emoit arai

bonat eketeleman esolo.kwana irerei aisisianakin ka Yesu

amisikisi ebe ingai bo emoit arai eteleman esolo?

Imo ejarete akec aijar bala mam ejakait edeke ejari ido da elemaritos nges

kotoma aijar kec ka aswamisinei da.Mam da epodokito aitaraun edeke

ediope kotoma ainapeta kec.Eteleman esolo mam itoduni angosibib toma

oboro kaluce, etukete isolosinei kotunga ido da ekokoete kes kanuka

aimedauna bonik koiriagon kec.

Onac lo agir akiraar ekanisa kotoma abeit eputos ka emoit arai eteleman

esolo.Etisiloto ainapeta nuka ejakait edeke kwape emoit arai eteleman esolo

lo mam da itoduni angosibib kotoma okanisa ka ikeyuunak da.

Opone bo ani ibusakinitor aijanakin imo arai eketelemak esolo? Kotoma

abeit, ibusakinit oni atupakin aisisianakin naka Yesu kasodete aswam kwa

ayaitor ngesi kesi.kigeari kotoma oitabo ke Matayo 9 ne esekunia yesu

ikeyakia.Nape itorit alaro ke eteleman esolo kotoma Matayo 9:9 kowany

Yesu eteleman esolo anyaritai ekekiror Matayo, aso kopupok nu kopotu

kotupakisi kapak kangin.

(9) Nakitoritor Yesu kanen, koany etunganan iboie kaitelemis

esolo, ekekiror Matayo; kotema nges atiar,”kotupunai””

konyou, kotupa nges. (10) Kosodi kanen, nakiboikinor togo

ainyam, koany, kopotu luketelemak esolo ka ikadiakarak luipu

kiboikinos nepepe ka Yesu ka ikesisiak. (11) Nakeyanyuniata

iparisayon, kotema ikesisiak atiar,”kanukinyo emoriatar

ekusisisianakinan kalu iketelemak esolo ka ikadiakarak da?

(12) Konye nake epupunia Yesu, kotema kes atiar

“”lukangaleok mam ipudasi emurwon, dimarai lukadekak.

(Matayo 9:9-12)

Nu nyokia kabu Yesu kobongok Matayo eketeleman esolo? Kobu kolimok

nges atupakain Yesu kwape idiopet koyakia ke. Koloma togo ke kosodi da

ainyam kanges kabu kiswama ngun teni kanu aitodiar amamut aiswamanara

kidding engarenok luka ekanisa luka apakio kangun lu agiritos eidicane

kede itunga lu epone kangon.

Aso irero awaragat na abu Yesu kitetem koitabo ka Luka esula18

kikamanara ka iparisayon keda eketeleman esolo.

(10) Kodokasi itunga iarei oyekalu ailip, ediopet eparisayot

loce da eketeleman esolo. “(11) Kobwo eparisayot kilip kwana

kotauke ebe,”wu edeke, emalai jo narai mam eong kiputo

kicetunga, ikangatak, ikengalak, idotea, karaida lo eketeleman

esolo. (12) Alungenenei eong irwan aarei nginisabato,

ainanakini da yenikitomonet kotoma kaluadumuni kere.” (13)

“konye kobwo eketeleman esolo kama elwana, kwabo mam

etitingikinit aikeun akekonyen akuj, konye kodipidip aketorob,

kobala ebe,”wu edeke, kitimoi eong ekadiakanaran!” (14)

“Katemari yes atiar, abu ngol kodok alosit oreke imarakinitai

adolit aitelekarit je; naarai nginitunganan yeniturokin itisilio,

konye yenitisilikin, iturio.” (Luka 18:10-14)

Konye mam cut erai akiro nu ajokak narai ejakait Yesu, lokobu kituput

ikengarenok lukaekanisa keda eketeleman esolo kotoma awaragat. Kabu

Yesu koany ibore yen mam icie apedorete anyun.

Aticipak awaragat na eketelman esolo kojenara noi koibaibuli ngesi na

ejakait Zakayo.Ne kepupunio ebe ajai Yesu aiboisit ngin, abu Zakayo

kodoka okitoi kanu anyun nges.Ne kedoluna Yesu aiboisit ngin ne kejai

Zakayo, kobu kobwou kosodi anyarar ngesi,”Zakayo, kodoku kwap

katipet.Lolo abuni aiboi kajo kotogo kon’” (Luka 19:5).Akaulo na Zakayo

adokun kwap na ekitoi, kolot ejakait Yesu togo ke kosodi ainyam kanges.

Kobu Yesu inerata kanges nuka aijar ke kicorak nges aitetenar eswamae

ke.kobongok Zakayo ejakait Yesu ketau kere kosodi aitoronokin.

Dobo imo? Opone bo ani kabu Yesu kobongokina imo? Koanyu jo nu

enerasi itunga kaparasia kangun kanuka Yesu kotoma eitabo Matayo 11:19;

(19) Kobu okoku loka etunganan kobu enyami emasi da,

kobalas ebe, koany, ekarangat lo ekameran da. Epapero loka

iketelemak esolo ka ikadiakanarak! Konye aswamisio ke nges

itojokere acoa.”

Aso kopupok nu ekeyakia Petero mama ejai ekanisa kanu ikamanara kede

imo:

Kojaas iponesio luejok kotoma omo, tetere nekesiomata yes

bala ikeswamak nuerok, kitopoloosi edeke kaparaan naka

aanyaranario kanuka aswamisiokus nuejokuka. (1 Petero 2:12)

Kobu Petero kicorak ikasiomak ke ebe Kojaas iponesio luejok kotoma omo,

tetere nekesiomata yes bala ikeswamak nueroko, kitopoloosi edeke

kaparaan naka aanyaranario kanuka aswamisiokus nuejokuka.Ejaas akiro

aarei nu ikoto aireroor.Nasodit, kajeni Petero ebe imo epote ajaun toma

aibosit naka aitoploor ejakait Edeke.Naiyareikini enyaraunit ikeyuunak

toma aijar naka aingarakin imo ajenun edeke.

Aiwadikaeta mama ejaas Ikoriton, kobu Paulo kitorona aswamisio nuka

ekanisa nu mam atakanete Kama ejaas imo kosiom (1 Ikoriton 5:1). Ejakait

edeke elope itoronit aswamisio nuka itunga ke nukadiakanar adepar imo,

kakwapin nuedunyatar. (2 Ikabakan 21:9 ka 2 Aisitonokin 33:9). Kitacaunit

ejakait Yesu ebe karai kitoronasi onacekus, ekot ber kongicakinos bonik.

(3) “Aso kanukinyio isesenia igugut yenejai akongu naka

onacekon, komamipodo akitoi naejai akongukon kilopet? (4)

Arai kilimokini biai onacekon ebe, kinyek kalem igugut yenejai

akongukon; ido koany, ejai akitoi akongukon kilopet? (5)

Yenikesoswaiijo, kolem ber akitoi naejai akongukon kilopet;

kosodi konyet asesen kotenan alemun igugut kakongu naka

onacekon. (Matayo 7:3-5)

Abeit teni nu eraas abeit kama ejai onac, eraas da abeit kama ejaas

imo.keroko itoronara nges ekot ber angicakin bonik.

Ejaas ngun lu emisikinitos Matayo 18; 17 ebe akepolou aipal onac

lokadiakaran kongerite aitoronokin. Mam arai epone lo akotor Yesu ayaite

imo.

Mam Yesu kobu kitorona imo arai iketelemak esolo kotoma aparasia ke.

Karaida itoronarit oni ekadiakaraka adepar eketelemaka esolo. Karaida

itamit aisipaper imo keda amuno ngin na ainyakun kes toma ojakait, inaac

onac ngon lo mam itoronokin.Ti kipedo ainac eketeleman esolo ngon lo

engalai konye kipupu jo iponesio ngun lu iyaitotor ikeyuunak inacan lu

ikadiakarak. Keja ngun da, itodikit Yesu oni erot lo ajokan.

Kobu Yesu kisipaper eketeleman esolo keda ekadiakaran, konyam ka einer

kakes.Kiswamanaros ka kes kinyaku da aiyuun tomanakec.Ebala Petero

ebe, ekot ajarata aijar kamakec na ingarakini kes da abongun toma

ojakait.kidumakini nu kere koitabo ke Luka 15;

(3) Kolimok kes awaragat na ebe, ingaibo kayes ejaas ka

amerekekin akwatat, keolio adiopet, mam kereka inyeini

akaisakanyangon kanu kanyangon kamoding, kolot amoot ngin

nakeoliorit aitodol needumunia? (5) Kedau adumun,

keriongakini okeperin ke, kolakara. (6) Ne kedolio togoke,

enyarauni ikepapero ka ikeidunyeta, kolimok ebe, kolakaros

nepepe kaeong, naarai adum akamerekek naeoliorit. (7)

Katemari yes atiar, kwape kwangin nges ajaunor alakara toma

akuj kanuka ikadiakanaran idiopet, yenitoronokin itia kanuka

itunga akaisakanyangon ka nukanyaongon lumam ipudasi

aitoronokin. (Luka 15:3-7)

Erai na awaragat najokan noi kolemutete kotoma oibaibuli.koany kereka jo

ebe kotoma amerekekin akwatat, nunyoika kabu ekecokon kiswama kanu

amerekek adiopet naeoliorit nakenyouni kosipan ke?

Ikokoron 3 kilimokinitos oni ebe, kabu konyou ajalakin akaisakanyangon

kanu kanyangon kosodi aimo adiopet kitoni adumun.kitopolo ngesi aimo

amerekek naeoliorit, kiswama kagogongu aanyun ebe inyakuni nges

togoke.Mam kereka ngin erai eipud lo ibusakinit oni ajaut mama ejai

onaceok lokediakarit? Kaboisit na ainacit, arai asacit nges? Ibusakinit kere

keswamata kagogongu aanyun ebe inyakuni nges mama ijai kotoma ojakait.

Ayait onac kwape eketeleman esolo ka emoit ipuda aswam na epol

noi.Karai eolio onac mama ejai ejakait edeke,ibusakinit ainyakun nges

toma osipan luka aima ejakait.Erai da epelu loka ngin diopet kaoni anyuun

ebe ingarakini inacan kwa kangul.Kwape ekecokon koitabo loka Luka 15,

mam ekoto apalun kitoni nekidumunia inacan ka anacan kotoma kuristo.

Ebala akirosit naka ejakait keda aica ebe ejaun ainingisio nuka ainyikokit

kotoma adiakar. Icorakinit kere bobo kerosi itaon wok kanu etupakinete.

Kotoma aitutuket namojong, ecamaikinit ekisil idwe bon luka Isirairi

ainumunum apak naka aleleng, komam idio imoit.

Kotema ejakait Musa Ka Aaron atiar, lo nges ekisil loka

aleleng: mam imoit kere enyamenenei; (Anyoun 12:43)

Kanepekanen, ikwenyarit eyakia Paulo ikeyuunak kere kongicakinos bonik

eroko kenyama komesa lokalaunan naarai ngun lu enyamenenete

komamelauna, etubokinio kes.

Konye kongica itunganan ilopet, kosodi konyam nuka emugati,

komat da nuka akoli. (29) Naarai yenenyami ka aimat komam

emisikini akuan, enyami, emasi da atubokinio. (1ikoriton 11:28-

29)

Erai ibore itacaunitai kane ebe karai keyanga onacekon bala eketeleman

esolo arai emoit, mam kicamaikini nges ainyam emugati ka aimat akoli

kopucit loka aleleng.

Iyareikini, kotoma eitabo lo ikisila 17:14-15 kolimok ejakait iketunga mam

acamaikin imo aipuga kes.

(14) Kidol akwap nakiinakinit Jo Ejakait ekonideke, kirum

kiboikin da toma, kosodi atemar atiar, adakakin ekabaka ayait

eong, kwape katekerin kere nukalukunito. (15) Idakakini ngol

loeseuni ejakait ekonideke araun ekabaka kus; ediopet

koinacanakon nges idakakini araun ekabakakus.sirikidakak

lokacekwap lomam erai onacekon ayait jo. (Ikisila 17:14-15)

Kotoma aitutuket nakitetet ijaikinit Tito ainapeta nuka ingarenok luka

ekanisa, adiopet da kotoma nges ebe ekot komamei aitoronet.

Arai ejai loemamei aitoronet, ekiliokit loka aberu adiopet,

loiyuunito ikedwe, komam iwosatai ebe araas luka iponesio

lutai, ka luetumaaka. (Tito 1:6)

Erai cut ibore yen itacaunit akirot ebe karai kenger onac akiraar ekanisa,

mam idakakinete adio adoketait mamake, kolemasi nges kaingarenikinit.

Nakiuniki, kosiom esula lokwap kotoma Esera 4:1-3;

(4:1) kepuputu da lukasurupo luka Yuda ka Benyamin ebe

adukoto idwe luejoreoritai eyekalu loka ejakait, edeke loka

Isirael; (2) kikunyakis keesi neejai Serubabel, ka ikapolok luka

ikekia luka lukapapakec, kobalas ebe, mere kadukoto nepepe

Kayes; naarai kimoot isio ekusideke, kwape kayesi, kinaakini

isio nges asuban ageun kaparasia nuka Esar-kadon ekabaka

loka Asuria lokitodokuni isio nee. (3) Konye Serubabel, ka

Yesua ka ice kere luka ikapolok luka ikekia lukapapa luka

Isirael, kotemasi kes atiar, mam kipuda yes aimorikikin kasio

kotoma aiduk etogo loka ekosideke, konye sio kiduki bonik

etogo loka ejakait edeke loka Isirael, kwape abu kuro ekabaka

loko Perusia kicorakinia. (Esera 4:1-3)

Serubabel ka Yesua keyuunitos ebe aswam naka aitopol akirosit naka

ejakait edeke karai na itunga luka edeke, imo amamei apak kotoma.

Ngun kere itogogongorit Paulo kaitutuket nakitetet kobala kwanata:

(14) Sirikiyenikinos ajookot adiopet nepepe kalumam

iyuunito.Naarai emorete biai adolit ka amamus adolit? Arai

ejai eidicane enyoin kidding kaica ka amuton? (15) Anyoin da

acamanar kidding Kristo ka Belial? Araibo anyoin akorakinet

naka yeniyuunit ka yenimam iyuunit? (2 Ikoriton 6:14-15)

Nape kiyaitor inacan kwape imo, nukeere etupakinete.Mam onac lo erai

emoit ejaikin toma ainapeta ekanisa, ibusakinit kolemarai nges cut

kainapeta nuka aitopol akirot nakeejakait edeke kitoni ne itoronikinor.

Kilema ngun nu iswamaikino onac, ejaas acie ainingosia nu etupakinete

karai kisal toma adiakar.Atiokusio nu elangir noi adepar amamut ainyam

kotoma omesa lokaejakait edeke, aingarenikin arai aijanakin kokanisa

lokaidunyet kon.Isisianakini eijiri, karaida isalakinit toma adiakar, eidicane

wok keda ejakait itotolikin.

Kinera keda ikiliok luka aparasia ke, abu eyakia Petero kilimok kes ebe

karai mam kesi eminasi akec angor, akec ailipasinei mam kiraaro.

Yes da ikiliok kwape kwangin, kiboienenete kakusingor koomito

nukec, kitopoloorito aberu kwape ibore yenitelekarit

akalanyanut, naarai kes da akerumak nukaupakus nuka asianut

naka aijar, kinyek akusiilip aitikokinio. (1 Petero 3:7)

Erai amamut apodokinit nuka angor ibore yenitikokini ailipasinei wok,

irwan adi epedorio etau lokaninikan lokegiri akiraar ailip nakokanisa?

Epedori ejakait edeke aigir akiraar ka abongokin ailipasinei nuka itunganan

yen mam kiraari ekanisa kosodi aitoronokin.

Naiyareikini, kolimok Yesu luka apupete kotoma Matayo 5:24-25 ebe mam

ejakait edeke ecamuni ailipasinei kainacan arai anacan numam epuconoro.

(23) “aso arai iyauni ainakinetekon otem, kosodi kiitu kanen

ebe ejaas onacekon akiro kajo, (24) kinyek ainakinetekon

kotem, kolot ber, kopuco konacekon, kosodi konyet abongun

ainakin ainakinetekon. (Matayo 5:23-25)

Eidicane wok keda ejakait edeke ebila karai kisalak toma adiakar.

1 Ikoriton 3 kitetemit ebe itubokini kere ejakait kotupitete aswamisio wok.

(12) konye karai eduk itunganan toma apetetait ngin esabu,arai

epuesa ,arai amor nuketiai,arai akito,arai anya,arai ariang da,

(13) etakanuni aswam naka nginitunganan,naarai isideleleuni

apaaran,naarai epukorio kotoma akim,itemi da akim aswam

naka nginitunganan kwape ajar. (14) Arai esalit aswam

naedukit itunganan apetetait, edumuni nges eropit. (1 Ikoriton

3:12-14)

Apolouke ebe ibusakinit oni abongonokin ejakait edeke kanuka aswamisio

wok, mam nukere eraas nu ipalunioni.Ne itobwoere kakonyen nuka ejakait

kapak na etube, kiwanyuni epone lokicanicanunor aijar kotoma

adiakar.karaida ijeni ebe ejai alakunio, ipedori atwaniar ainakinet ka

amamut adumun acamaikinio ke.

Onac ngon lo agir aitoronikin kiyatakinite kotoma adiakar, kolemarai

kotoma aijanakin nakokanisa konye bobo da epedori ejakait edeke aigir

apupokin ailipasinei ke, ka kosodi atubokin nges kanuka aswamisio ke.

Eraas akiro nu eposik kakonyen nuka ejakait edeke,ido da kitereikinos ka

atiokusio nuko kuju.

Nutupitono:

Kopone bo ani kipedoro aituput onac aarai inac keda

eketeleman esolo arai emoit?

Kopone bo ani kobu yesu kiswamanaror ka eketeleman esolo

keda emoit? Kopone bo ani abeitor oni ayait onac lokadiaran?

Iponesio bo anu eyaitotor ikanisan inacan arai anacan

lukadiakarak?

Nukinyio etupakinete kanu inacan lu agiroto aitoronokin?

Kanu ailip:

Kilip ejakait edeke kisioni jo kanu ayait onacekon erono

adepar eketeleman esolo arai emoit.Kijaik ijo asianut amina

onacekon kwape ebeitor.

Kisialamik ejakait edeke kanu aanyunet ke naka amin mama

ejaas ngun ikadiakarak.

Kilip edeke kingarak ekanisa kus ajaun keda etau lokaejok

mama ejaas luadiakasi.

Kijaik apak, kilip ejakait edeke ainyakun inacan ka anacan

ngun nu adiakasi.

8 - NE EMAMUNOR

ACAMANAR

wani ingetakini aisisia na, kereikisi kasodete aitirian nu idau

aisias. Amuno da ebe, adau aitodolikin akirot naejok kanu

aingarakin ainyakun onac lo ejari kotoma adiakar. Ibusakinit teni

kere ecasitos kanu aipuc kanu ainyakun eidicane, apeleikinet na inerit

ejakait Yesu koitabo Matayo 18:15-17 nges ainyakun onac.

Akaulo naka aiteten ajokis na aicasit kanu apuconor ka inacan wok,

ibusakinit amisikisi bobo ebe acie kotoma akiro mam itemokinos. Icie

sawan karaida iswama iboro kee jokan, esalakinete akiro eroko. Kabu Paulo

komisiik ngun koitabo Iromayon 12:18.

Arai kepedoros kowaikus, kinapakina kitunga kere.

Aso komisik ber nu inerit Paulo, neketemara atiar,”arai kepedoros” itetemit

Paulo ebe mam duc epatana ainapakina keda itunga kere. Ejaunos itunga lu

egirete aomisio wok. Ejakait Yesu da ajaas ka luasurup. Itunga ngun kes

apotu ongarutu nges ka aibubukin omusalaba. Mam akec akiro ka Ejakait

Yesu opotu kitemokinos toni awasia.

Ngun lu angaras kristo etiakaro kes kama ke itoni awasia komame amun

naka ainyakun kanu apuconor.Mam da nu kitukurianete oni, naarai oni da

kijaas ka itunga lumam aticepak ipedoror apuconoror.

Iponesio luka ekanisa mam itemokinete atiokisio kere. Epedori onac arai

inac ainyikokit kotoma adiakar karai da akaulo na aitisilario kokanisa.

Nuinyoika ibusakinit aswam karai mam ipedori aisinapikin atiokisio

kidding wok keda inacan arai anacan?

Love

Kotoma Esekeri 35 konyunyura Ejakait Edeke keda itunga luka Seir

(ikerumunak ke Esau) naarai kejaas ka amumu nakelakunatar Isirael

komacarin.

(3) kolimok ebe, inera kwanata ejakait edeke ebe; koany,arai

lokasurupi kon, wu emoru Seir arior akakan asurokin

jo,ketuluori asilio ka aumokinet.(4) Etiswapi ireriakon, irauni

ijo asilio ijenuni ebe arai eong Ejakait.(5)“Naarai iraenena

lokasurupikorak idwe luka Isirael mama ejai apedor naka

akileng kapak naka epolakec. Kapak naka aiticaniokec naka

awasia. (6) Aso ebala Ejakait edeke ebe, kwape ajaria, nges

ketemokinai aokot, ido kitupete aokot, naarai mam ibu kolaite

aokot, and nges do kitupiata aokot (Esekeri35:3-6)

Aitelioret “amumu nasek” elibunit kama ajaas nuapapakec luka akwapin

aaraei, Yakobo ka Esau.Yakobo kabu kokwa airumunet naka Esau kwape

onac lokiai kosodi Esau ailair aiyar onaceke Yakobo, kosodi airumun

arerengesio ke

(Ageun 47:21). Anyunyura na kabu kikopun kane jai papa toni ne ejai

idwe tetere odwe luka Esau engarasi itunga luka Isirael kalakun kes kam

ejaas lukasurupi. Konyunyurikin Ejakait Edeke ka kes narai apotu

kiswamata kanyunyura mama ejaas iketunga.

Erai ibore idiope ajaut ka akiro numam epucio ido da acie anyunyura ka

onacekon. Keja ngun da isisianakit Ejakait Yesu amina lukasurupikon

kiswamainikini kes nukajokak.

(44) Konye eong atemari atiar, kominasi lukasurupo kus,

kilipanakinete da lukimanito. (45) Tetere iraunete idwe luka

papakus loejai toma akuj naarai itacaikini nges akekolong

lukaronok ka lukajokak da, isitepikini akiru luedolito kalumam

edolito da. (Matayo 5:44-45)

Karaida mam ipedori aipuc kaonacekon kotoma ationis naejai, komina nges

kiswamanakini nges kere nu ipuda ijo kotaukon. Amina nges, aimor karaida

eipaperone kanges mam erai aigangit nuaronok nuiswamai ngesi. Kipedori

amamut acamanar kanges konye kaminas nges.

Kopal Akiro

Kaciepakio, ekot kesisiautu aipal akiro kwape iwadikatere koitabo lo

awaragasia;

Ageunet na ecelet esubit bala etunganan loepeduni akipi; aso

do kinyek epeget, eringa ejauna angolopa. (Awaragasia 17:14)

Karai kimamun keda acoa naejaikini amisikin epone lopalunes akiro,

igwauni angolopa, ijaikini ationis ka inacan wok apollor noi.

Awaragasia 17:14, ikwenyarit oni bon ebe kenyeikis epeget eroko angolopa

kelomuna. Arai na ationis kama ejaas itunga luka omoru lo Seir kwape

iwadikator Esekiel 35. Mam kopotu kojalata epeget, ngun nges kieinakinete

akwapin engolopas ka Israel.

Eyakia Paulo, iwadikat mama ejaas ikapolok kobala ebe;

Yes da lukapapa, sirikitunyunyuranakis ikusidwe, konye

kosaenenete kes kariemriem ka aitutoor naka ejakait. (Ipeson

6:4)

Kiyasi da anyunyura mama ejai itunganan arai kipeg arai kiner akiro

koponesio da lumam isialamikinitos.Kinerit Paulo ejautene loejaun kidding

papa ka ikoku. Kosalak papa toma anyunyura mama ejaai okoku ke kitoni

angolopikin. Biai kipatanikitor oni aswam nu kotoma oidicane wok kidding

onac arai inac kotoma kuristo? Kiyatakini ainer ka kes nginpak na

kiriamunor, kasodete aisitikin kes aswamisio kec. Koipone kangol, isidiki

anyunyura.kicorakinitai oni mam aswam ngun, ekiwadikan

Ekalimonokinan, ijaikinit aicoreta nu ajokak kobala ebe,” Ejai apak naka

aililing ka einer da” (Ekalimonokinan 3:7). Karai nuitamit aiswamaikin

onacekon ijaikinitos nges adiakanar, mam do edolit aililing?

Ejaas ikokoron luicorete nuka acobeu na aililing kotoma apak na aronis;

(12) Naarai ajeni kwape ipuatar aibucanaretakus, kwape da

eliiliotor aronisiokus; yes luroikinete ikadolitok,

luitelemenenete ainakineta, luiremosi, luilwaritos awai korute.

(13) Kanuka ngun, ililingi locobe kapak kangin; naarai erai

apak naerono. (Amos 5:12-13).

Kojenu kereka ebe kwape itetemitor Amos nuikamanara keda loecobe

aililing kotoma apak na aronis.Inerit enabi nuikamanara keda engarenok nu

itubuleseninitos ikadolitok karidakit kes kokisila.kotoma apakio nuka

aronis, karai ikadolitok kineras, mam kipup nukec.kotoma abeit kitoroni

kanukec. Kanu ainac aronis, icorakinitai loecobe aililing,kojalak ngun

akanin nuka ejakait Edeke. Ejai apak na aimo aipuc ka adolit kosodi da ejai

apak na aijal akiro kasodete aikopar akanin nuka ejakait Edeke, karai mam

igwauni angolopa na icakakini toma aronis.

OMUNOKIN EDEKE

Edwarit enabi Isaia ebe, ebunio angarun eketajaran konye mam da epukori

akeituk mama ejaas luasurup ke. Bon ebe kobu omunokin ka ainyang kere

mama ejai Edeke papa.

Kaponi kimanai, kwabo kitasono komam eongit akeituk. Kwape

imerekek yeneyangaario aario, ido kwape ililingia amerekek

kakonyen nuka ikekatubok ajul; Eebo, mam koong akeituk.

(Isaia 53:7)

Mam ejakait Yesu kabu koyua akeijar kame ejaasi lukasurup ke, lukopotu

kibungata ka aibubukin nges omusalaba. Kwabo abu komunokin papake

aitwasam ngun kere kanuka ajokis. Kaponi kibubukinoi Yesu kanu

amengeranut na ekisil konye ake atwanare kobu koyau alakunio.

Kogwelarai Yosepu akwap naka misiri kwape ebulesit. Kanu etau loimiela,

kogwelasi nges inacan ke mama ejaas isubusin. Kodiakasi inacan ke

kakonyen ke Yosepu, konye abu ejakait Edeke itwasam ngun kanuka ajokis.

Koraun Yosepu eingarenon loapol angosibib kotma akwap nebulesene.

Kitwaswam ejakait Edeke nges alukana iketunga kotoma apak na ebeli.

Mam kitelekari ngin ejie. Kecorak eong onac adiope paran namam

imurokini eong. Kinera nu kapotu kotereikinos kanges kokal ke: ebala

Wayne ebe, ‘’kabu kajii ejie kitoni Aipikor, kwangin araun loajokan kotoma

ke.”Ajok aicoretait ke noi. Kwape ikeyuunak, ipedori araun atwakiariak lu

arokok. Ekot kacamutu atwanianiar wok kamun.karaida kiswama keda

agogong apuconor ka onac aarai inac, komam nu epedoros, kenyikokis

amina, kajalakis akiro keda ejakait edeke aingarakin kotoma ngun kanuka

ajokis.

Kopalu Nuasonya, KOLOT Ingaren

Kingetakini keda ainingosit na koitabo Isaia:

(18) “Sirikitup akiro nusodit, araida aomoom akiro nuka

asonya.

(19) Koany, eswamai eong akirot nakitetet; elibuni kwape

kwana; mam yes ijenunete? Asubi eong erot toma ais, icorin da

toma?

” (Isaia 43:18-19)

Kiriamuriamuna aciepakio oni kere keda itunga ngun lu mam epedorete

aimurokin nukasonya. Itipipilitai kes koponesio icie luipu karaida etubitos

ikaru kau, mam cut imurokitos. Itunga epone Kwa kalo, ejaas ka eipud lo

aitac aitipipilio ngin kane ejai inacan arai anacan. Epatana da bobo

asalakinit toma akiro nukasonya. Kinyararit oni ejakait edeke kaicoretait na

ebala ebe, sirikiitutu nukasonya, konye kasalakisi itei ngaren kiboro

luitetiak. Kipedori da bobo aituunun akiro nukasonya, kitwakiarete adumun

arerengesio nukalolo. Irwan adi kitotolikinia apak nakalolo keda akiro

nukasonya? Kabois namunokin ejakait Edeke, ido aicanincan apak

kangolopa.

Mam ijo ipedori aijulakin nueswamaikinos ijo, konye ipedori aijulakin

ejautene lokaijaar kon. Enyarit ejakait edeke oni kere aisac nukasonya

kapipilu, kesisiautu kasodete da amunokin nges kanukaoingaren.kijaik

ejakait edeke akesianut naekipedorio aswam kere,adepdar aisac arai aijal

akiro kamunokin nges toma apak namameunor acamanar.

Nu tupitono:

Kipedori kereka oni adumun aipuc keda lucietunga? Ejaasi

itunga toma aijar kon luidau jo apuconor kede kotoma

ationis?

Nunyoika iswama ijo kanu aitemokin aronis kidding ijo

inacan arai ainacan kon? Anyoin ajokis idumuni ijo kojenida

ebe arai Yesu kajaas kaitunga lu mam aminasi nges?

Koipone bani lem iyaitor ijo ngun lumam itemonokitor

atiokisio? Ijo itodiarit amina, aitim kamina naedeke mama

ejaas kesi?

Biai kereka epedoror akiro nu amunaar koipone lo ataminit

apuconor?

Biai epedorio ejakait Edeke aitwaswam ngun numam

itemokina? Koipone bo ani etetenia akon ijaar kakiro kangun

numam itemokina?

Ipedori ijo aimurokin nukasonya kosodi alosit ngaren koboro

luitetiak luiswamai Edeke

? Nuinyokia cut itikikitos ijo aimurokin?

Kanu ailip:

Kilip Edeke kingarak ijo amina ngun da lumam ipuconoro ka

ijo.

Kilip Edeke kitodik eipone loipuconorotor kainacan arai

ainacan.kingarak ijo apalun akiro kosodi amunokin nges.

Kisialamik ejakait Edeke kanu apedor ke aitwaswam ngun

kere kanu ajokis ke.

Kilip edeke kijaik ijo agogongu na apedor aimurokin arai

aipal nukasonya kosodi aiteikin keda iboro luitetiak

luitemonokit nges elope.

ABOUT THE AUTHOR

F. Wayne Mac Leod

AICA NAKA EROT KA (Light To My Path

Book Distribution), (LTMP) erai aibunget na

iwadikaata ka akoranario itabon luka eijiri loka

ejakait Edeke kojaas keda eipud adolokin

ikeyuunak luka kristo ka ikeswamak luka kwapin

nu Asia, Latin America,ka Africa.Ikeyuunak lu

ipu kotoma akwapin nu eroko epoloete,

komamete ka agangat na epedoriata adumun

aitutorio arai agwelet aiwadikaata acie nu

ingarakinete kanu adumun aitutorio.

Ejakait F. Wayne Mac Leod erai ediopet kangun kotoma orionget loka

Action International Ministries kido da iwadikai itabon keda apeleikinet na

akorar titai mama ejaas ingarenok ka eswamak luka ekanisa lu etiono

ejautene kakwap kere. Ilolo ilukumin luka itabon lu itosomao kanu

aisisianakin eijiri mama ejaas ikeyuunak kotoma akwapin nu edeparete

akaisakanyape nges adautu kesi aiwadik ka akorar.

Itabon luka epone kalo ijulio kwana ka angajepisinei nu ipu keda

apeleikinet naka aitodolikin agoriek kere kakwap. Erai erionget lo “AICA

NAKA EROT KA”” (LTMP) loka ikeyuunak, ido imuno ejakait Edeke

kingarak keda agangat naediopone kanu akorar itabon lu kanu aisinyikokin

ka aitogogong ikeyuunak akwap kere.

Kilipi kopuko ejakait iwaitin lu ingarakinete aijul itabon lu kotoma

angajepisinei nu ipu keda akorario.